ଭାରତ-ଚୀନ ସୀମା ବିବାଦ; ୧୨ରେ କମାଣ୍ଡରସ୍ତରୀୟ ଆଲୋଚନା

ନୂଆଦିଲ୍ଲୀ: ଦୀର୍ଘ ସମୟ ଧରି ଭାରତ-ଚୀନ ସୀମା ବିବାଦ ଲାଗିରହିଛି । ଦୁଇଦେଶ ମଧ୍ୟରେ ଆଲୋଚନା ଚାଲିଥିଲେ ମଧ୍ୟ ସମାଧାନର ବାଟ ଫିଟିପାରୁନି । ଆସନ୍ତା ଅକ୍ଟୋବର-୧୨ ତାରିଖରେ ପୁଣିଥରେ ଭାରତ-ଚୀନ ସେନା କମାଣ୍ଡରସ୍ତରୀୟ ଆଲୋଚନା ହେବ । ଲଦାଖ୍ ସେକ୍ଟରରେ ଏହି ଆଲୋଚନା ହେବବୋଲି ଚୂଡାନ୍ତ ହୋଇଛି । ଉଭୟ ଦେଶର ସେନା ମଧ୍ୟରେ ଲାଗିରହିଥିବା ଉତ୍ତେଜନା ହ୍ରାସ ଓ ଶାନ୍ତି ବଜାୟ ରଖିବା ପାଇଁ ଆଲୋଚନା କରାଯିବ ବୋଲି ସ୍ଥିର ହୋଇଛି । ଏହାପୂର୍ବରୁ ମଧ୍ୟ ୬ ରାଉଣ୍ଡ ସେନାସ୍ତରୀୟ ଆଲୋଚନା ହୋଇସାରିଥିଲେ ମଧ୍ୟ କୌଣସି ନିର୍ଯ୍ୟାସ ବାହାରିପାରିନାହିଁ ।