Before Header

ପଞ୍ଚଭୂତରେ ଲୀନହେଲେ ମହାରଥୀ

0 331

ଭୁବନେଶ୍ୱର (ବଡ ଖବର ବ୍ୟୁରୋ): ଅସୁସ୍ଥ ଥାଇ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ମୃତ୍ୟୁ ହୋଇଥିବା ପିପିଲିର ବିଜେଡି ବିଧାୟକ ପ୍ରଦୀପ ମହାରଥୀଙ୍କ ପାର୍ଥିବ ଶରୀର ପୁରୀ ସ୍ୱର୍ଗଦ୍ୱାରରେ ଆଜି ଅପରାହ୍ନରେ ପଞ୍ଚଭୂତରେ ଲୀନ ହୋଇଛି । ପୂର୍ଣ୍ଣ ରାଷ୍ଟ୍ରୀୟ ମର୍ଯ୍ୟାଦା ସହ ଅନୁଷ୍ଠିତ ହୋଇଥିଲା ଅନ୍ତେଷ୍ଟି । ‘ପ୍ରଦୀପ ମହାରଥୀ ଅମର ରହେ’ଧ୍ୱନୀରେ କମ୍ପିଥିଲା ସ୍ୱର୍ଗଦ୍ୱାର । ଶହ ଶହ ସମର୍ଥକ, ବିଜେଡି ନେତା ଓ କର୍ମୀଙ୍କ ଉପସ୍ଥିତିରେ ଜଳିଥିଲା ଜୁଇ । ସ୍ୱର୍ଗତ ମହାରଥୀଙ୍କ ଝିଅ ପଲ୍ଲବୀଙ୍କ ବୁକୁଫଟା ବିଳାପ ଉପସ୍ଥିତ ନେତା ଓ କର୍ମୀମାନଙ୍କୁ ଭାବବିହ୍ୱଳ କରିଦେଇଥିଲା । ପୋଲିସ କର୍ମଚାରୀଙ୍କ ତୋପସଲାମୀ ପରେ ସ୍ୱର୍ଗତ ମହାରଥୀଙ୍କ ପୁଅ ରୁଦ୍ର ମୁଖାଗ୍ନି ଦେବାବେଳେ ଭଉଣୀ ପଲ୍ଲବୀ କାନ୍ଦି କାନ୍ଦି ଭୂଇଁରେ ଲୋଟି ଯାଉଥିଲେ ।
ଶବ ଶୋଭାଯାତ୍ରା ପ୍ରଥମେ ଭୁବନେଶ୍ୱର ଓ ପିପିଲି ଦେଇ ପୁରୀ ସ୍ୱର୍ଗଦ୍ୱାରରେ ପହଞ୍ଚିଥିଲା । ସେଠାରେ ମନ୍ତ୍ରୀ ସମୀର ଦାସ,ପୂର୍ବତନ ସାଂସଦ ପ୍ରସନ୍ନ ପାଟ୍ଟଶାଣୀ,ପୂର୍ବତନ ମନ୍ତ୍ରୀ ମହେଶ୍ୱର ମହାନ୍ତି,ରୁଦ୍ର ମହାନ୍ତି,ଉମା ସାମନ୍ତରାୟ ପ୍ରମୁଖ ଦିବଂଗତ ନେତାଙ୍କୁ ଶେଷ ଦର୍ଶନକରି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ।

Leave A Reply

Your email address will not be published.