ସଙ୍ଘର୍ଷ ପରେ ହାରିଲା ଭାରତ

(ବଡ଼ ଖବର ବ୍ୟୁରୋ): ଟୋକିଓରେ ବ୍ରୋଞ୍ଜ ପାଇଁ ଚାଲିଥିଲା ଲଢେଇ । ଦମଦାର ଖେଳ ପ୍ରଦର୍ଶନ କରୁଥିଲେ ଭାରତୀୟ ମହିଳା ହକି ଦଳ । ଭାରତ – ଗ୍ରେଟ ବ୍ରିଟେନ ମଧ୍ୟରେ ଚାଲିଥିଲା ଲଢେଇ । ଆରମ୍ଭରୁ ଗୋଲ୍ ଦେଇ ଭଲ ପ୍ରଦର୍ଶନ ଲକ୍ଷ୍ୟରେ ଥିଲା ଟିମ୍ ଇଣ୍ଡିଆ । ସେପଟେ ପ୍ରଥମ କ୍ୱାଟରରେ କୌଣସି ଗୋଲ୍ ହୋଇନଥିଲା । ଦ୍ୱିତୀୟ କ୍ୱାର୍ଟର ସୁଦ୍ଧା ଆଗୁଆ ରହିଥିଲା ଗ୍ରେଟ୍ ବ୍ରିଟେନ୍ ।

ଏବଂ ତୃତୀୟ କ୍ୱାର୍ଟରରେ ୩-୩ରେ ସ୍ଥିତି ବରାବର ରହିଥିଲା । ଶେଷରେ ୩-୪ ଗୋଲରେ ବାଜି ମାରିନେଲା ଗ୍ରେଟ୍ ବ୍ରିିଟେନ । ଭାରତକୁ ନିରାଶ ହେବା ପାଇଁ ପଡ଼ିଥିଲା । ଲଢୁଆ ପ୍ରଦର୍ଶନ କରି ହାରିଲେ କିନ୍ତୁ ମନ ଜିତିଲେ । ତେବେ ପୂର୍ବରୁ ସେମିଫାଇନାଲରେ ଆର୍ଜେଣ୍ଟିନା ଠାରୁ ଭାରତ ବିଜୟ ହାସଲ କରିପାରିନଥିଲା । ହେଲେ ବ୍ରୋଞ୍ଜ ହାତେଇବା ଲକ୍ଷ୍ୟରେ ମଇଦାନକୁ ଓହ୍ଲାଇ ଥିଲା ଭାରତ ।