୧-୦ରେ ଭାରତର ସିରିଜ ବିଜୟ
ମୁମ୍ବାଇ (ବଡ଼ ଖବର ବ୍ୟୁରୋ): ଭାରତ ଓ ୱେଷ୍ଟଇଣ୍ଡିଜ ବିପକ୍ଷରେ ଖେଳାଯାଇଥିବା ଟେଷ୍ଟ ସିରିଜ କବଜା କଲା ଭାରତ । ବର୍ଷା ଯୋଗୁଁ ଦ୍ୱିତୀୟ ମ୍ୟାଚରେ ଭାରତ ବହୁ ଆଗରେ ଥିବା ବେଳେ ବର୍ଷା ପାଇଁ ଏହା ଡ୍ରରେ ଶେଷ ହୋଇଛି। ଫଳରେ ୨ଟିକିଆ ସିରିଜକୁ ୧-୦ରେ ବିଜୟୀ ହୋଇଛି ଟିମ୍ ଇଣ୍ଡିଆ। ଦ୍ୱିତୀୟ ଟେଷ୍ଟର ପଞ୍ଚମ ଦିନ ବର୍ଷା କାରଣରୁ ସଂପୂର୍ଣ୍ଣ ଧୋଇଯାଇଛି। ମ୍ୟାଚର ଚତୁର୍ଥ ଦିନରେ ମଧ୍ୟ ବର୍ଷା ଯୋଗୁଁ ଖେଳ ପ୍ରଭାବିତ ହୋଇଥିଲା। ୩୬୫ ରନର ବିଜୟ ଲକ୍ଷ୍ୟକୁ ପିଛା କରୁଥିବା ୱେଷ୍ଟଇଣ୍ଡିଜ ଚତୁର୍ଥ ଦିନରେ ୨ ୱିକେଟ ହରାଇ ୭୬ ରନ୍ କରିଥିଲା।
ପଞ୍ଚମ ଦିନ ବର୍ଷା ଯୋଗୁଁ ଗୋଟିଏ ବି ବଲ୍ ପଡିପାରିନଥିବା ବେଳେ ମ୍ୟାଚକୁ ଡ୍ର ଘୋଷଣା କରାଯାଇଥିଲା । ଭାରତ ପକ୍ଷରୁ ସର୍ବାଧିକ ୫ ୱିକେଟ୍ ନେଇଥିବା ମହମ୍ମଦ ସିରାଜଙ୍କୁ ମ୍ୟାନ୍ ଅଫ ଦ ମ୍ୟାଚ୍ ଦିଆଯାଇଛି। ପୋର୍ଟ ଅଫ୍ ସ୍ପେନରେ ଖେଳାଯାଥିବା ମ୍ୟାଚରେ ଭାରତ ପ୍ରଥମେ ବ୍ୟାଟିଂ କରି ପ୍ରଥମ ଇନିଂସରେ ୪୩୮ ରନ୍ ସଂଗ୍ରହ କରିଥିଲା। ୱେଷ୍ଟଇଣ୍ଡିଜ୍ ପ୍ରଥମ ଇନିଂସରେ ୨୫୫ ରନରେ ଅଲ ଆଉଟ୍ ହୋଇଯାଇଥିଲା। ଦ୍ୱିତୀୟ ଇନିଂସରେ ୨ ୱିକେଟ୍ ହରାଇ୧୮୧ ରନରେ ପାଳି ଘୋଷଣା କରି ୱେଷ୍ଟଇଣ୍ଡିଜକୁ ୩୬୫ ରନର ଟାର୍ଗେଟ୍ ଦେଇଥିଲା।