ଯାଜପୁର (ବଡ଼ ଖବର ବ୍ୟୁରୋ): ଯାଜପୁର ସହରର ହାଟ ପାଟଣାରେ ଥିବା ବିଦ୍ୟୁତ ଠିକାଦାର ଧରଣୀ ସାହୁଙ୍କ ଘର ଓ ଅଫିସ ଉପରେ ଆୟକର ବିଭାଗ ଗୁରୁବାର ଦିନ ସକାଳୁ ଛଡାଉ କରିଛନ୍ତି । ପ୍ରଥମେ ଘର ଓ ତାହାପରେ ସହରର ରକ୍ଷାକାଳୀ ମନ୍ଦିର ନିକଟରେ ଥିବା ଅଫିସ ଓ ବିଜିପୁର ନିକଟରେ ଥିବା ବ୍ୟବସାୟ ପ୍ରତିଷ୍ଠାନ ଏବଂ କାରଖାନା ଉପରେ ଛଡାଉ ଜାରି ରଖିଛନ୍ତି ।
ଶାସକ ଦଳର ନେତା ତଥା ରାଜ୍ୟ ସାଙ୍ଗଠନିକ ସମ୍ପାଦକ ତଥା ଯାଜପୁର ବିଧାୟକ ପ୍ରଣବ ପ୍ରକାଶ ଦାସ ଯେତେବେଳେ ରାଜ୍ୟ ସରକାରଙ୍କ ଶକ୍ତି ମନ୍ତ୍ରୀ ଥିଲେ ସେହି ସମୟରେ ମନ୍ତ୍ରୀଙ୍କ ପାଖଲୋକ ହୋଇ ବିଦ୍ୟୁତ ବିଭାଗର ବିଭିନ୍ନ ଜିଲ୍ଲାରେ ବିଦ୍ୟୁତ ଠିକା ନେଇ ଠିକାଦାର କରି ବହୁ କମ ଦିନରେ ନିଜକୁ ଯାଜପୁର ସହରରେ ପ୍ରତିଷ୍ଠିତ କରାଇ ପାରିଛନ୍ତି । ଅନ୍ୟାୟ, ଅନୀତି ଓ ଦୁର୍ନୀତି ଉପାୟରେ ବହୁ ଧନ ଅର୍ଜନ କରିଥିବାର ସାଧାରଣରେ ଆଲୋଚନା ହେଉଛି । ଏପରିକି ନିଜ ଲୋକମାନଙ୍କ ନାମରେ ବାଲିଘାଟ ନିଲାମ ନେଇ ଅନୀତି ଉପରେ ଅର୍ଥ ଉପାର୍ଜନ କରୁଥିବାର ଅଭିଯୋଗ ହେଉଛି ।
