ରଜିତ ଗୁପ୍ତା ହେଲେ JEE ଆଡଭାନ୍ସ ଟପ୍ପର
ନୂଆଦିଲ୍ଲୀ (ବଡ ଖବର ବ୍ୟୁରୋ) : ପ୍ରକାଶ ପାଇଛି JEE ଆଡଭାନ୍ସ ପରୀକ୍ଷା ଫଳାଫଳ । ପରୀକ୍ଷାରେ ୫୪ ହଜାର ୩୭୮ଜଣ ପରୀକ୍ଷାର୍ଥୀ ସଫଳତା ହାସଲ କରିଛନ୍ତି । JEE ଆଡଭାନ୍ସ ପରୀକ୍ଷାରେ ଏକ ନମ୍ବର ସ୍ଥାନ ହାସଲ କରି ଇତିହାସ ରଚିଲେ ଦିଲ୍ଲୀ ପୁଅ । ଏଲନ୍ କୋଟାର ରଜିତ ଗୁପ୍ତା ହୋଇଛନ୍ତି ଟପ୍ପର । JEE ଆଡଭାନ୍ସର ଟପ୍ ୧୦ରେ କୋଟାର ୪ଜଣ ପରୀକ୍ଷାର୍ଥୀ ସଫଳତା ହାସଲ କରିଛନ୍ତି । ଦ୍ୱିତୀୟ ସ୍ଥାନ ହାସଲ କରିଛନ୍ତି ସକ୍ଷମ ଜିନ୍ଦଲ । ୧ଲକ୍ଷ ୮୦ ହଜାର ୪୨୨ ଜଣ ଛାତ୍ରଛାତ୍ରୀ ପରୀକ୍ଷା ଦେଇଥିଲେ । ସେଥି ମଧ୍ୟରୁ ମୋଟ ୫୪ ହଜାର ୩୭୮ଜଣ ଛାତ୍ରଛାତ୍ରୀ ପରୀକ୍ଷାରେ ଉତ୍ତୀର୍ଣ୍ଣ ହୋଇଛନ୍ତି ।
୩୬୦ ମାର୍କରୁ ୩୩୨ ମାର୍କ ରଖି ଶୀର୍ଷ ସ୍ଥାନ ହାସଲ କରିଛନ୍ତି IIT ଦିଲ୍ଲୀ ଜୋନରୁ ରଜିତ ଗୁପ୍ତା । IIT ଖଡଗପୁର ଜୋନରୁ ଦେବଦତ୍ତା ୩୬୦ରୁ ୩୧୦ ମାର୍କ ରଖି ମହିଳାଙ୍କ କ୍ଷେତ୍ରରେ ଆଗରେ ରହିଛନ୍ତି । ଆଗାମୀ ଦିନରେ ସଫଳ ହାସଲ କରିଥିବା ଛାତ୍ରଛାତ୍ରୀ ମାନେ (JoSAA ) ମାଧ୍ୟମରେ ହେବାକୁ ଥିବା କାଉନସିଲ୍ଂ ପ୍ରକିୟାରେ ଭାଗ ନେଇ IITରେ ଆଡମିଶନ ପାଇଁ ଯୋଗ୍ୟ ବିବେଚିତ ହେବେ । ଯେଉଁ ଛାତ୍ରଛାତ୍ରୀମାନେ ପରୀକ୍ଷାରେ ସଫଳ ହୋଇନାହାନ୍ତି ସେମାନେ JEE ମେନ୍ ଫଳାଫଳ୨୦୨୫ ସ୍କୋର ଆଧାରରେ IITs, NITs ଏବଂ CFTISରେ ଆଡମିଶନ ନେଇ ପାରିବେ । ପରୀକ୍ଷା ଦେଇଥିବା ଛାତ୍ରଛାତ୍ରୀ jeeadv.ac.in ୱେବସାଇଟ୍ ମାଧ୍ୟମରେ ନିଜର ପରୀକ୍ଷା ଫଳ ଦେଖିପାରିବେ ।
