ଶପଥ ଗ୍ରହଣ କରିବେ ଜୋ ବାଇଡ଼େନ

ଆମେରିକା (ବଡ଼ ଖବର): ଜାନୁଆରୀ ୨୦ରେ ଆମେରିକା ରାଷ୍ଟ୍ରପତି ଭାବେ ଶପଥ ଗ୍ରହଣ କରିବେ ଡେମୋକ୍ରାଟ ଦଳର ବିଜୟୀ ପ୍ରାର୍ଥୀ ଜୋ ବାଇଡେନ । ଏହି ଶପଥ ଉତ୍ସବ ପୂର୍ବରୁ ହୋଇପାରେ ବିକ୍ଷୋଭ । ଏନେଇ ଏଫବିଆଇ ପକ୍ଷରୁ ସତର୍କ ସୂଚନା ଜାରି କରାଯାଇଛି । ଟ୍ରମ୍ପଙ୍କ ସମର୍ଥକମାନେ ଆମେରିକାରେ ସଶସ୍ତ୍ର ବିକ୍ଷୋଭ ପ୍ରଦର୍ଶନ ପାଇଁ ଯୋଜନା କରିଥିବା ଏଫବିଆଇ ଜାଣିବାକୁ ପାଇଛି । ପୂର୍ବରୁ କରିଥିବା ହିଂସାକାଣ୍ଡରେ ସଫଳ ହୋଇନଥିବାରୁ ପୁଣି ବଡଧରଣର ବିକ୍ଷୋଭ କରିବାକୁ ଯୋଜନା କରିଛନ୍ତି । ତେବେ ସତର୍କ ସୂଚନା ପରେ ସୁରକ୍ଷା ବ୍ୟବସ୍ଥାକୁ କଡା କଡି କରାଯାଇଛି ।