ପୁରୀ ପରେ ଫୁଲବାଣୀରେ ସାମ୍ବାଦିକଙ୍କୁ ଆକ୍ରମଣ

ଫୁଲବାଣୀ(ବଡ଼ ଖବର ବ୍ୟୁରୋ): ପୁରୀ ପରେ ଫୁଲବାଣୀରେ ଖାକିରେ ଲାଗିଲା କଳଙ୍କ। ଚତୁର୍ଥ ସ୍ତମ୍ବକୁ ଚାପି ଦେବାକୁ ପ୍ରୟାସ। ନାଲିଆଖି ଦେଖାଇଲେ, ଗାଳିଗୁଲଜ କଲେ, ପରେ ମାଡ ବି ମରାଇଲେ ପୋଲିସ ବାବୁ। ଖାକି ପଛର ସତକୁ ସାମ୍ନାକୁ ଆଣି ମାଡ଼ ଖାଇଲେ ସାମ୍ବାଦିକ । କନ୍ଧମାଳ ଜିଲ୍ଲା ଫୁଲବାଣୀ ଟାଉନ ଥାନା ପୋଲିସ ଅଧିକାରୀଙ୍କ ଦବଙ୍ଗ ଗିରି। ଏସଆଇ ଦୀପକ ସାମନ୍ତସିଂହାରଙ୍କ ଗଣମାଧ୍ୟମ ପ୍ରତିନିଧିଙ୍କୁ ଆକ୍ରମଣ । ୧୯ ତାରିଖ ରାତିରେ ଗଣମାଧ୍ୟମ ପ୍ରତିନିଧି ସ୍ଥିତି ପରଖି ଗ୍ରାଉଣ୍ଡ ଜିରୋରୁ ନ୍ୟୁଜ ସଂଗ୍ରହ କରୁଥିଲେ। ନିଜ ଅବହେଳା ଲୋକ ଲୋଚନକୁ ଆସିବା ଭୟରେ ଡ୍ୟୁଟିରେ ଥିବା ଏସଆଇ ଦୀପକ ସାମନ୍ତସିଂହାର ସାମ୍ବାଦିକଙ୍କୁ ଦୁର୍ବ୍ୟବହାର କରିଥିଲେ। ତାଙ୍କ ମୋବାଇଲ ଛଡାଇନେଇଥିଲେ। ପରେ ଆଜି ତାଙ୍କୁ ଲୋକ ଲଗାଇ ମାଡ ମାରିଥିବା ଅଭିଯୋଗ ହୋଇଛି। ଏ ସମ୍ପର୍କରେ ପୋଲିସକୁ ଜଣାଇଥିଲେ ବି ପୋଲିସ ଚୁପ ବସିଛି। ତେବେ ଏ ଘଟଣାକୁ ସାମ୍ବାଦିକ ମହଲରେ ଦୃଢ ନିନ୍ଦା କରାଯାଇଛି।