କୋଟପଡା( ବଡ଼ ଖବର ବ୍ୟୁରୋ): ଓଡ଼ିଶାରେ ଚାଲିଛି ସ୍ୱାସ୍ଥ୍ୟ ବିଭାଗରେ ଦଲାଲ କାମ । କୋରାପୁଟ ଜିଲ୍ଲା କୋଟପାଡ଼ ବ୍ଲକ ଅନ୍ତର୍ଗତ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଏକ ବ୍ୟକ୍ତି ଘରୋଇ କଳହ ଯୋଗୁ ଶରୀରରେ କିଛି ଆଘାତ ଲାଗିଥିଲା । ଏହି ସମୟରେ ବ୍ୟକ୍ତି ଜଣକ କୋଟପଡ଼ା ଥାନାରେ ଏକ ମାମଲାରୁଜ କରିବାକୁ ପହଁଞ୍ଚିଥିଲେ । ଶରୀରରେ ଆଘାତ ଲାଗିଥିବାରୁ ଥାନା ଅଧିକାରୀ ପ୍ରଥମେ ସ୍ୱାସ୍ଥ୍ୟ ପ୍ରମାଣ ପତ୍ର ମାଗିଥିଲେ । ବ୍ୟକ୍ତି ଜଣକ କୋଟପାଡ଼ ହସ୍ପିଟାଲର ଅଧିକାରୀ ସାରଥୀ ପ୍ରସାଦ ମୁନିଙ୍କୁ ଭେଟି ସ୍ୱାସ୍ଥ୍ୟ ପ୍ରମାଣ ପତ୍ର କରିବା ପାଇଁ କହିଥିଲେ । ସାରଥୀ ପ୍ରମାଣ ପତ୍ର ବନେଇବା ପାଇଁ ୧୫୦୦ଟଙ୍କା ମାଗିଥିଲେ । ବ୍ୟକ୍ତିଙ୍କ ପାଖରେ କିଛି ଟଙ୍କା ପଇସା ନଥିଲା । ପ୍ରଶ୍ନ କରିବାରୁ ଅଧିକାରୀ ଜଣକ ବ୍ୟକ୍ତିଙ୍କ କଥାରେ କର୍ଣ୍ଣପାତ କରିନଥିଲେ । ଟଙ୍କା ଦେଲେ ହି କାର୍ଯ୍ୟ ହେବବୋଲି ରୋକ ଠୋକ କହିଥିଲେ । ପରେ ବ୍ୟକ୍ତି ଜଣକ ଗଣମାଧ୍ୟମକୁ ସୂଚନା ଦେଇଥିଲେ ।
