ଚନ୍ଦନ କାଠ ଜବତ, ୩ ଗିରଫ

ଟାଙ୍ଗୀ-ଚୌଦ୍ୱାର(ବଡ଼ ଖବର ବ୍ୟୁରୋ): କଟକ ବନ୍ୟାଞ୍ଚଳ ଡାଳିଯୋଡା ରେଞ୍ଜ ସଫା ଜଙ୍ଗଲରୁ ୪ କ୍ବିଣ୍ଟାଲରୁ ଉଦ୍ଧ୍ୱର୍ ଚନ୍ଦନ କାଠ ଜବତ କରାଯାଇଛି । ଏଥିପାଇଁ ୩ଜଣଙ୍କୁ ଅଟକ ରଖାଯାଇଛି । ଏସଟିଫ ଓ ଟାଙ୍ଗୀ ପୋଲିସର ମିଳିତ ଚଢାଉରେ କାଠକୁ ଜବତ କରାଯାଇଛି । ଏସଟିଫ ଅଧିକାରୀମାନେ ବେପାରୀ ବେଶରେ ଯାଇ କାଠ ମାଫିଆଙ୍କ ପାଖରେ ପହଞ୍ଚିଥିଲେ । ସେମାନେ ମାଫିଆଙ୍କ ସହ କାଠର ମୂଲଚାଲ କରିଥିଲେ । ପୂର୍ବ ଯୋଜନା ମୁତାବକ ଟାଙ୍ଗୀ ପୋଲିସ ଓ ଏସଟିଫ ଟିମ କାଠ ମାଫିଆଙ୍କୁ ଗିରଫ କରିଥିଲା । ସେମାନଙ୍କ ନିକଟରୁ ୪.୬୦ କ୍ୱିଣ୍ଟାଲ ଚନ୍ଦନ କାଠ ଜବତ କରିଛି । ଯାହାର ଆନୁମାନିକ ମୂଲ୍ୟ ୯ ଲକ୍ଷ ବୋଲି ଅନୁମାନ କରାଯାଇଛି । ଡାଳିଯୋଡ଼ା ରେଞ୍ଜରେ ଚନ୍ଦନ,ଶାଗୁଆନ କାଠର ଚୋରା ଚାଲଣ ହେଉଥିବା ହେଉଥିବା ଅଭିଯୋଗ ହେଉଛି । ସେପଟେ ବନବିଭାଗ କିଭଳି ମାଫିଆଙ୍କ ସନ୍ଧାନ ପାଉନି ତାକୁ ନେଇ ସୃଷ୍ଟି ହୋଇଛି ପ୍ରଶ୍ନବାଚୀ ।