ଭୁବନେଶ୍ୱର (ବଡ଼ ଖବର ବ୍ୟୁରୋ): ଡ୍ରାଇଭରଙ୍କ ଷ୍ଟ୍ରିଅରିଂ ଛାଡ଼ ଆନ୍ଦୋଳନର ପ୍ରଭାବ ପେଟ୍ରୋଲ ପମ୍ପ ଉପରେ ପଡିଛି । ଅଧିକାଂଶ ତେଲ ଟାଙ୍କିରେ ନାହିଁ ତେଲ । ଦୁଇଦିନର ଆନ୍ଦୋଳନ ଯୋଗୁଁ ପେଟ୍ରୋଲ ପମ୍ପରେ ନାହିଁ ନଥିବା ଭିଡ଼ ଦେଖିବାକୁ ମିଳିଥିଲା । ଯାହାଦ୍ୱାରା ରାଜ୍ୟର ଅଧିକାଂଶ ସ୍ଥାନରେ ପେଟ୍ରୋଲ ପମ୍ପ ଦିନ ଅଧାରୁ ବନ୍ଦ ହୋଇଯାଇଥିଲା । ରିପୋର୍ଟ ଅନୁସାରେ, ଗୋଟିଏ ଦିନରେ ଲୋକେ ଲୋକେ ତିନି ଦିନର ପେଟ୍ରୋଲ ବୋହି ନେଇଛନ୍ତି । ଯେଉଁ କାରଣରୁ ତେଲର ଅଭାବ ଦେଖିବାକୁ ମିଳିଛି । ସୂଚନାନୁସାରେ, ରାଜଧାନୀକୁ ପ୍ରତିଦିନ ୩ ଲକ୍ଷ ୩୦ ହଜାର ଲିଟର ପେଟ୍ରୋଲ ଓ ୨ଲକ୍ଷ ୩୫ହଜାର ଲିଟର ଡିଜେଲ୍ର ଆବଶ୍ୟକତା ରହିଛ। ଉତ୍କଳ ପେଟ୍ରୋଲିୟମ ଡିଲର ମହାସଂଘର ସାଧାରଣ ସଂପାଦକ ଲୋକଙ୍କୁ ବ୍ୟତିବ୍ୟସ୍ତ ନ ହେବାକୁ ଅପିଲ କରିଛନ୍ତି । କାରଣ ଟାସ୍କପୋର୍ସ ଗଠନ ହେବା ପରେ ଆଜି ତେଲ ଟ୍ୟାଙ୍କର ଆସିବ ।
