ବଡ଼ଠାକୁରଙ୍କ ନୀତିରେ ହୋଇଛି ବଡ଼ ବିଭ୍ରାଟ

ପୁରୀ (ବଡ଼ ଖବର ବ୍ୟୁରୋ): ବଡ଼ଠାକୁରଙ୍କ ନୀତି ବିଭ୍ରାଟକୁ ନେଇ ଶ୍ରୀବଳଭଦ୍ରଙ୍କ ମୁଖ୍ୟ ବାଡ଼ଗ୍ରାହୀ ହଳଧର ଦାସମହାପାତ୍ରଙ୍କ ପ୍ରତିକ୍ରିୟା । ଅସନ୍ତୋଷ ହୋଇ କହିଛନ୍ତି ରଥଯାତ୍ରାରେ ବଡ଼ଠାକୁରଙ୍କ ନୀତିରେ ବଡ଼ବିଭ୍ରାଟ ହୋଇଛି । ବର୍ଷବର୍ଷର ପରମ୍ପରାକୁ ଭାଙ୍ଗି ନୀତିକାନ୍ତି ହୋଇଛି । ରଥ ଆଜ୍ଞାମାଳ ବିଧିକୁ ବି ଭାଙ୍ଗି ଦିଆଯାଇଛି ।

ଅଣସର ଘରେ ସେନାପଟା ଲାଗି ହୋଇଛି । ଠାକୁରଙ୍କୁ ଓପାସରେ ରଖି କରାଯାଇଥିଲା ପହଣ୍ଡି । ପ୍ରତିପଦା ବଦଳରେ ଦ୍ୱିତୀୟାରେ ନେତ୍ରୋସôବ କରାଯାଇଛି । ଶ୍ରୀମନ୍ଦିର ପରିଚାଳନା କମିଟି ସଦସ୍ୟଙ୍କୁ ଦାୟୀ କରିଛନ୍ତି ଶ୍ରୀ ଦାସମହାପାତ୍ର । ଖାଲି ସେତିକି ନୁହେଁ ଅନାଧିକୃତ ସେବକଙ୍କୁ ବି ଦୋଷ ଦେଲେ ଶ୍ରୀ ଦାସମହାପାତ୍ର । ଯେଉଁମାନେ ଦାୟୀ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ହେଉ ବୋଲି ପ୍ରତିକ୍ରିୟା ଦେଇଛନ୍ତି ଶ୍ରୀ ଦାସମହାପାତ୍ର ।