ଆସିକା (ବଡ଼ ଖବର ବ୍ୟୁରୋ): ଗଞ୍ଜାମ ଜିଲ୍ଲା ଆସିକା ବିଜୁ ପଟ୍ଟନାୟକ ଛକ ନିକଟରେ ଥିବା ଯାତ୍ରୀ ବିଶ୍ରାମାଗାରକୁ କୋଭିଡ୍ ନିୟନ୍ତ୍ରଣ ଗୃହ କରାଯାଇଥିଲା । କଟକଣା ଧୀରେ ଧୀରେ କୋହଳ ହେବାରେ ଲାଗିଛି । ବସ୍ ଚଳାଚଳ ହେବା ପରେ ଯାତ୍ରୀଙ୍କ ଭିଡ଼ ମଧ୍ୟ ବଢ଼ିବାରେ ଲାଗିଛି । ବିଶ୍ରାମାଗାର ଖୋଲା ନଥିବାରୁ ଯାତ୍ରୀମାନେ ନାହିଁନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ଦୂରଦୁରାନ୍ତରୁ ଆସିଥିବା ଯାତ୍ରୀମାନେ ଖୋଲା ଆକାଶ ତଳେ ଛିଡ଼ା ହେଉଛନ୍ତି । ବର୍ଷା ହେଲେ ଭିଜୁଛନ୍ତି ଯାତ୍ରୀ । କୋଭିଡ୍ ନିୟନ୍ତ୍ରଣ ଗୃହର କାର୍ଯ୍ୟ ଦୀର୍ଘଦିନ ହେବ ଏଠାରେ ବନ୍ଦ ରହିଛି । ତାଲା ପଡ଼ିରହିଥିବା ଯାତ୍ରୀ ବିଶ୍ରାମାଗାରର ସାନିଟାଇଜ୍ ଏଯାବତ କରାଯାଇ ନାହିଁ । ଯାତ୍ରୀଙ୍କ ମଧ୍ୟରେ ଦେଖାଦେଇଛି ଅସନ୍ତୋଷ । ସମସ୍ତଙ୍କ ମନରେ ଗୋଟିଏ ପ୍ରଶ୍ନ କେବେ ଖୋଲିବ ତାଲା ।
