ବାପା ରାଜ୍ୟ, ପୁଅ ରାଜଧାନୀ

ମଧ୍ୟପ୍ରଦେଶ(ବଡ଼ ଖବର ବ୍ୟୁରୋ): ବାପା ନାଁ ରାଜ୍ୟ ହେଲେ ପୁଅ ନାଁ ରାଜଧାନୀ । ଅର୍ଥାତ ବାପାର ନାମ ମଧ୍ୟପ୍ରଦେଶ ପୁଅର ନାମ ଭୋପାଳ । ଏମିତି ନାମକରଣ ହୋଇଛି ମଧ୍ୟପ୍ରଦେଶର ଭମାରା ଗାଁରେ । ବାପାଙ୍କ ପୁରା ନାମ ମଧ୍ୟପ୍ରଦେଶ ସିଂ । ଏମିତି ଏକ ନିଆରା ନାମକରଣ କରିଥିଲେ ତାଙ୍କ ଭାଇଭଉଣୀ ମାନେ, ମଧ୍ୟପ୍ରଦେଶ ତାଙ୍କ ୯ ଭାଇ ଭଉଣୀଙ୍କ ମଧ୍ୟରେ ସବୁଠୁ ସାନ । ତେଣୁ ଶ୍ରଦ୍ଧାରେ ତାଙ୍କ ଭାଇଭଉଣୀମାନେ ନାମ ଏମିତି ରଖିଥିଲେ । ଏମିତି ନାମ ପାଇ ସେ ଗର୍ବ ଅନୁଭବ କରନ୍ତି ।

ସେଥିପାଇଁ ସେ ମଧ୍ୟ ତାଙ୍କ ପୁଅର ନାମ ମଧ୍ୟପ୍ରଦେଶର ରାଜଧାନୀ ଅର୍ଥାତ ଭୋପାଳ ରଖିଛନ୍ତି। ଧାର ଜିଲ୍ଲାର ଜନ୍ମିତ ମଧ୍ୟପ୍ରଦେଶ ସିଂହ ଝାବୁଆ ଚନ୍ଦ୍ରଶେଖର ଆଜାଦ ସରକାରୀ ମହାବିଦାୟଳୟରେ ଜଣେ ଗେଷ୍ଟ ଫ୍ୟାକଲ୍‌ଟି ଭାବେ କାମ କରନ୍ତି।