ଭୁବନେଶ୍ୱର(ବଡ଼ ଖବର ବ୍ୟୁରୋ): ସାମ୍ବାଦିକଙ୍କ ନାଁରେ ମିଛ ଏଫଆଇଆର୍ । ହୋଟେଲରେ ଅନୈତିକ କାମର ଖବର ପ୍ରସାରଣ ପରେ ମ୍ୟାନେଜରଙ୍କ ପ୍ଲାନ୍ । ଭୋଗରାଇ ତାଳସାରୀ ସାମୁଦ୍ରିକ ଥାନା ଠାରୁ ମାତ୍ର ୫ ଶହ ମିଟର ଦୂରରେ ବିଏଲ ଟି ଇଣ୍ଟରନ୍ୟାସନାଲ ହୋଟେଲରେ ଅନୈତିକ କାରବାର ନେଇ ବାରମ୍ବାର ଖବର ପ୍ରସାରଣ ପରେ ହୋଟେଲ ମ୍ୟାନେଜର ଆମ ପ୍ରତିନିଧିଙ୍କ ବିରୋଧରେ ମାମଲା ରୁଜୁ କରିଛନ୍ତି । ତେବେ ଏ ଘଟଣାରେ ବର୍ତ୍ତମାନ ହୋଟେଲର ଗୋଟିଏ ପରେ ଗୋଟିଏ ଗୁମର ଖୋଲିବାରେ ଲାଗିଛି । ଏନେଇ ସ୍ଥାନୀୟ ଲୋକେ ପ୍ରତିବାଦ ମଧ୍ୟ କରିଛନ୍ତି । ହୋଟେଲରେ କ’ଣ ଚାଲିଛି ତାର ଗୁମର ସେ ଖୋଲିଛନ୍ତି ।
ତେବେ ପ୍ରଥମେ ସମସ୍ତ ପ୍ରତିକ୍ରିୟା ଶୁଣିନିଅନ୍ତୁ । ଆପଣ ହୋଟେଲର କଳାକାରନାମାର ପ୍ରତିକ୍ରିୟା ଶୁଣିଥିଲେ । ଏବେ ହୋଟେଲର ଲାଇସେନ୍ସ ନଥିବା ସ୍ଥାନୀୟ ତହସିଲଦାରଙ୍କ ପ୍ରତିକ୍ରିୟା ସାମ୍ନାକୁ ଆସିଛି । ଆମ ଜଳେଶ୍ୱର ପ୍ରତିନିଧି ଏନେଇ ତଦସିଲଦାରଙ୍କୁ ପଚାରିବାରୁ ସେ ଲାଇସେନ୍ସ ନଥିବା କଥା କହିଛନ୍ତି । ସେହିପରି ଅଗ୍ନିଶମ ବିଭାଗ ପାଖରୁ ମଧ୍ୟ ଅଗ୍ନି ସୁରକ୍ଷା ସମ୍ପର୍କିତ ଅନୁମତି ନେିଇ ନାହିଁ ହେଟେଲ କର୍ତ୍ତୃପକ୍ଷ ।
ପ୍ରଶ୍ନ ଉଠୁଛି ହୋଟଲେର ଅନୈତିକ କାମ ଚାଲୁଥିବା ବେଳେ କାହିଁକି ସେଠାରେ କୌଣସି ପଦକ୍ଷେପ ନିଆଯାଉନାହିଁ ତାହା ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି । ଏହି ଘଟଣାରେ ଭୋଗରାଇ ସାମୁଦ୍ରିକ ଥାନା ଏକପାଖିଆ ତଦନ୍ତ କରୁଥିବା ଅଭିଯୋଗ କରିଛନ୍ତି ସାଧାରଣ ଲୋକ ।
