ମଣିପୁର (ବଡ଼ ଖବର ବ୍ୟୁରୋ): ମଣିପୁରରେ ସ୍ଥିତିର ସମୀକ୍ଷା କରୁଛି ବିରୋଧୀ ମେଂଟ । ସେପଟେ ହିଂସାକୁ ନେଇ ସଂସଦଠୁ ସଡ଼କ ଚାରିଆଡ ହୁଲୁସ୍ତୁଲ । ରାଜ୍ୟପାଳଙ୍କୁ ଭେଟିବା ପାଇଁ ବିରୋଧୀ ତୟାର ଥିବା ବେଳେ, ମଣିପୁରରେ ଅଶାନ୍ତିକର ସ୍ଥିତିରେ ସୁଧାର ଆଣିବା ପାଇଁ ତତ୍ପର ଥିବା କହିଛନ୍ତି ରାଜ୍ୟପାଳ ଅନୁସୂୟା ଉଇକେ । ଚୁରାଚାନ୍ଦପୁରର ରିଲିଫ କେନ୍ଦ୍ର ପରିଦର୍ଶନ କରିଛନ୍ତି ରାଜ୍ୟପାଳ । ରାଜ୍ୟରେ କିପରି ଶାନ୍ତି ଶୃଙ୍ଖଳା ଫେରି ପାରିବ ସେ ନେଇ ସେ ନିରନ୍ତର ଚେଷ୍ଟା କରୁଛି ବୋଲି କହିଛନ୍ତି । ଉଭୟ ସମ୍ପ୍ରଦାୟର ଲୋକେ ପରସ୍ପର ସହ କଥା ହେବା ଉଚିତ । ଆମେ ସମସ୍ତଙ୍କ ସହ କଥା ହେଉଛୁ । ରାଜ୍ୟରେ କିପରି ଶାନ୍ତି ଫେରି ପାରିବ ସେ ନେଇ ରାଜନୈତିକ ଦଳମାନଙ୍କର ସହାୟତା ମଧ୍ୟ ଆବଶ୍ୟକ ବୋଲି ସେ ପ୍ରତିକ୍ରିୟା ଦେଇଛନ୍ତି ।
