ତୁମୁଡ଼ିବନ୍ଧ (ବଡ଼ ଖବର ବ୍ୟୁରୋ): ତୁମୁଡିବନ୍ଧ ବ୍ଲକ ବେଲଘର ଥାନା ଅଧିନସ୍ଥ ଗୁଚୁକା ଛକ ମୁଖ୍ୟ ରାସ୍ତାରେ ଗଛ ପକାଇ ଚେତାବନୀ ପୂର୍ଣ୍ଣ ପୋଷ୍ଟର ଛାଡ଼ିଛନ୍ତି ମାଓବାଦୀ । ଭୟରେ ବେଲଘର ତୁମୁଡିବନ୍ଧ ଯାତାୟାତ ବନ୍ଦ ହୋଇଛି । ବେଲଘର ଓ ତୁମୁଡିବନ୍ଧ ସଂଯୋଗ ମୁଖ୍ୟ ରାସ୍ତାର ଉଭୟ ପାର୍ଶ୍ୱରେ ଅଟକି ରହିଛି ୧୦୮ ସମେତ ଏକାଧିକ ଯାନବାହାନ । କିଛି ଦିନର ନୀରବତା ପରେ ପୁଣିଥରେ ମାଓବାଦୀ ସକ୍ରୟ ହୋଇଛନ୍ତି ।
ଗୁମା ଅଞ୍ଚଳରେ ଗୁଚୁକା ଛକ ରାସ୍ତାରେ ଧମକପୂର୍ଣ୍ଣ ପୋଷ୍ଟର ଛାଡ଼ି ନିଜ ସ୍ଥିତି ଜାହିର କରିଛନ୍ତ ମାଓବାଦୀ । ତେବେ ଘଟଣାସ୍ଥଳରେ ବେଲଘର ପୋଲିସ ଏବଂ କେନ୍ଦ୍ରୀୟ ସୁରକ୍ଷା ବଳ ପହଞ୍ଚି ପୋଷ୍ଟର ଉଦ୍ଧାର କରି ଗଛ ରାସ୍ତାରୁ ହଟାଇ ଦେଇଥିଲେ ମଧ୍ୟ ସ୍ଥାନୀୟ ଅଞ୍ଚଳବାସୀ ଭୟଭୀତ ଥିବା ଜଣାପଡିଛି ।
