T-20 ବିଶ୍ୱକପର ସବୁଠାରୁ ଚର୍ଚ୍ଚିତ ମ୍ୟାଚ, ଭାରତ-ପାକିସ୍ତାନ ମୁକାବିଲା ଆଜି

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଟି-ଟ୍ୱେଣ୍ଟି ବିଶ୍ୱପ୍ର ସବୁଠାରୁ ଚର୍ଚ୍ଚିତ ତଥା ବହୁ ପ୍ରତୀକ୍ଷିତ ମ୍ୟାଚ ଆଜି । ସୁପର ସନଡେରେ ବିଶ୍ୱ କ୍ରିକେଟର ଦୁଇ ପାରମ୍ପରିକ ପ୍ରତିଦ୍ୱନ୍ଦ୍ୱୀ ଭାରତ ଓ ପାକିସ୍ତାନ । ଆଜି ପରସ୍ପରକୁ ଭେଟିବେ । ଭାରତର ସୁପରଷ୍ଟାର ମାନଙ୍କ ସହିତ ପାକିସ୍ତାନ ଯୁବ ତଥା ପ୍ରତିଭସମ୍ପନ୍ନ ଖେଳାଳି ମାନଙ୍କ ମଧ୍ୟରେ ଏକ ହାଇଭୋଲଟେଜ ମ୍ୟାଚ ଦେଖିବାକୁ ମିଳିବ ।

ତେବେ ଦୁଇ ଦେଶ ମଧ୍ୟରେ କୂଟନୈତିକ ଓ ରାଜନୈତିକ ସମ୍ପର୍କ ଏତେ ଭଲ ନଥିବାରୁ ବହୁ ବର୍ଷ ହେବ ଦୁଇ ଦେଶ ମଧ୍ୟରେ କୌଣସି ଦ୍ୱିପାକ୍ଷିକ ସିରିଜ କିମ୍ବା ଅନ୍ୟାନ୍ୟ ଖେଳର ଆୟୋଜନ ହୋଇ ପାରି ନାହିଁ । ଆଇସିସି ଟୁର୍ଣ୍ଣାମେଣ୍ଟରେ ଦୁଇ ଦେଶ ନିୟମିତ ଭାବେ ପରସ୍ପରକୁ ଭେଟିଛନ୍ତି ।

୨୦୦୭ରେ ଟି-ଟେଣ୍ଟି ବିଶ୍ୱକପ ପ୍ରତମଥର ପାଇଁ ଖେଳାଯାଇଥିଲା, ଓ ସେବେଠାରୁ ଭାରତ ସବୁ ମ୍ୟାଚରେ ପାକିସ୍ତାନକୁ ହରାଇ ଆସିଛି । ମହେନ୍ଦ୍ର ସିଂ ଧୋନିଙ୍କ ନେତୃତ୍ୱରେ ଭାରତ ଏହି ମ୍ୟାଚ ଗୁଡ଼ିକରେ ବିଜୟୀ ହୋଇଛି । ଟି-ଟ୍ୱେଣ୍ଟି ବିଶ୍ୱକପରେ ଭାରତ ସବୁ ୫ଟି ମ୍ୟାଚରେ ପାକିସ୍ତାନକୁ ହରାଇ ଆସିଛି । ଆଉ ଏଥର ଭିରାଟ କୋହଲିଙ୍କ ନେତୃତ୍ୱରେ ସମାନ ପ୍ରଦର୍ଶନ ଜାରି ରଖିବ ବୋଲି ଆଶା ରଖିଛି ଭାରତ । କ୍ରିକେଟ ସହ ଜଡ଼ିତ ଥିବା ସବୁ ସଂସ୍ଥା ଓ ଷ୍ଟେକହୋଲଡର ଏହି ମ୍ୟାଚକୁ ନେଇ ବେଶ ଉତ୍ସାହିତ ଅଛନ୍ତି ।