ବନ୍ଦଘରୁ ମା-ପୁଅଙ୍କ ଶବ ଉଦ୍ଧାର
ଚିଲିକା (ବଡ଼ ଖବର ବ୍ୟୁରୋ): ମା-ପୁଅଙ୍କ ସନ୍ଦେହଜନକ ମୃତ୍ୟୁ । ଏଭଳି ଘଟଣା ଘଟିଛି ଖୋର୍ଦ୍ଧା ଜିଲ୍ଲା ବାଲୁଗାଁ ଥାନା ଆଙ୍କୁଲା ପଞ୍ଚାୟତ ବାଉରୀସାହିରେ । ମଙ୍ଗଳବାର ବିଳମ୍ବିତ ରାତ୍ରିରେ ବ୍ରାହ୍ମଣ କୋଷଡ଼ିହ ଗ୍ରାମ ବାଉରୀସାହିର ବିଭୁ ନାୟକଙ୍କ ପତ୍ନୀ ସଶ୍ମିତା ନାୟକ ଏବଂ ୩ ବର୍ଷର ପୁଅ ଉଭୟଙ୍କ ସନ୍ଦେହଜନକ ଭାବେ ମୃତ୍ୟୁ ଘଟିଛି ।
ମୃତା ସଶ୍ମିତାଙ୍କ ଶ୍ବଶୁର ଘର ଲୋକେ ଆତ୍ମହତ୍ୟା କରିଥିବା ଦାବି କରିଛନ୍ତି। କିନ୍ତୁ ଝିଅଘର ପକ୍ଷରୁ କୌଣସି ଲିଖିତ ଅଭିଯୋଗ ହୋଇନାହିଁ। ପରିବାର ବର୍ଗଙ୍କ ସୂଚନା ଅନୁସାରେ, ଉଭୟ ମା ଏବଂ ପୁଅ ବେକରେ ଦଉଡି ଲଗାଇ ଝୁଲନ୍ତା ଅବସ୍ଥାରେ ନିଜ ଘରୁ ମିଳିଥିଲେ। ଖବର ପାଇ ବାଲୁଗାଁ ଏସଡ଼ିପିଓ, ବାଲୁଗାଁ ଥନା ଆଇ ଆଇ ସି, ଏବଂ ସାଇଣ୍ଟିଫିକ୍ ଦଳ ସହ ଘଟଣାସ୍ଥଳରେ ପହଁଚି ତଦନ୍ତ ଜାରି ରଖିଛନ୍ତି। ଅନ୍ୟପକ୍ଷେ ପରିବାର ସମସ୍ତ ବ୍ୟକ୍ତିଙ୍କୁ ପୋଲିସ ଅଟକ ରଖି ପଚରାଉଚରା ଜାରି ରଖିଛି ।