ମୁଜାଫରନଗରରେ ରେସଲରଙ୍କ ପାଇଁ ହେବ ମହାପଂଚାୟତ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ମୁଜାଫରନଗରରେ ରେସଲରଙ୍କ ପାଇଁ ହେବ ମହାପଂଚାୟତ । ଚାଷୀନେତା ନରେଶ ଟିକାୟତଙ୍କ ଅଧ୍ୟକ୍ଷତାରେ ବସିବ ବୈଠକ । ଯୋଗ ଦେବେ ଖାପ ପଂଚାୟତ ପ୍ରତିନିଧି ଓ କୁସ୍ତିଯୋଦ୍ଧାଙ୍କ ସମର୍ଥକ । ଗଙ୍ଗାରେ ମେଡାଲ ଭସାଇବାକୁ ନେଇ କୁସ୍ତିଯୋଦ୍ଧାଙ୍କ ଘୋଷଣା ପରେ ନରେଶ ଟିକାୟତ ସେମାନଙ୍କୁ ବୁଝାସୁଝା କରିଥିଲେ । ୫ ଦିନ ମଧ୍ୟରେ କିଛି ଗୁରୁତ୍ବପୂର୍ଣ୍ଣ ନିଷ୍ପତ୍ତି ନେବେ ବୋଲି କହିଥିଲେ ନରେଶ ଟିକାୟତ ।

ଏବଂ ୫ ଦିନ ମଧ୍ୟରେ କୌଣସି ନିଷ୍ପତି ନନେଲେ ମେଡାଲକୁ ଗଙ୍ଗାରେ ଭାସାଇବେ ବୋଲି କହିଛନ୍ତି ରେସଲର । ୧ ମାସରୁ ଅଧ୍ଚଳ ହେବ ଧାରଣାରେ ବସିଛନ୍ତି କୁସ୍ତିଯୋଦ୍ଧା । ଭାରତୀୟ କୁସ୍ତି ସଂଘର ପୂର୍ବତନ ସଭାପତି ତଥା ବିଜେପି ସାଂସଦ ବ୍ରିଜ ଭୂଷଣ ସିଂଙ୍କ ବିରୋଧରେ ଯୌନ ନିର୍ଯ୍ୟାତନା ଅଭିଯୋଗ ସହ ପୋକ୍ସୋ ଆକ୍ଟ ଆଧାରରେ ମାମଲା ରୁଜୁ ହେଲେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉନି ।