ନାକରେ ବଇଁଶୀ ବଜାଉଛନ୍ତି ନବଘନ

ମୟୁରଭଞ୍ଜ (ବଡ଼ ଖବର ବ୍ୟୁରୋ): ସାଧାରଣତଃ ପାଟିରେ ବଇଁଶୀ ବଜାଇବାର ସମସ୍ତେ ଦେଖିଥିବେ ଓ ଶୁଣିଥିବେ , କିନ୍ତୁ ନାକରେ ବଇଁଶି ବଜାଇବା ନା କେବେ ଦେଖିଥିବେ ନା ଶୁଣିଥିବେ । ମୟୁରଭଞ୍ଜ ଜିଲ୍ଲା ବେତନଟୀ ବ୍ଲକ ଅନ୍ତର୍ଗତ ଆଗରିଆ ପଞ୍ଚାୟତର ଗରଗଡିଆ ଗାଁରେ ନବଘନ ମହାନ୍ତ । ଗାଇଗୋରୁଙ୍କୁ ଗାଁ ପାଖ ଜଙ୍ଗଲ କଙ୍ଗରେ ଚରେଇବା ପାଇଁ ଛାଡି ଦେଇ ବଇଁଶୀ ବଜାଇବାରେ ଲାଗିପଡନ୍ତି ନବଘନ । ତାଙ୍କ ପାଟିରୁ ଦାନ୍ତ ସବୁ ଖସି ଗଲାଣି , ପାକୁଆ ପାଟିରେ ବଇଁଶୀ ଫୁଙ୍କିବା ଆଉ ସହଜ ନୁହେଁ, କିନ୍ତୁ ହାର ମାନି ନାହାନ୍ତି ନବଘନ । ପାଟିରେ ନହେଲେ ନାହିଁ ନାକରେ ବଇଁଶୀ ଫୁଙ୍କୁଛନ୍ତି ନବଘନ । ତାଙ୍କର ଏହି କଳାକୁ ଗ୍ରାମବାସୀ ଖୁବ ପ୍ରସଂଶା ମଧ୍ୟ କରୁଛନ୍ତି ।