ନିଟ୍ ପିଜି ପରୀକ୍ଷାକୁ ନେଇ ବଡ ଖବର

ନୂଆଦିଲ୍ଲୀ (ବଡ ଖବର ବ୍ୟୁରୋ) : ନିଟ୍ ପିଜି ୨୦୨୫ କୁ ନେଇ ଆସିଲା ବଡ ଖବର । ଅଗଷ୍ଟ ୩ ତାରିଖରେ ଅନୁଷ୍ଠିତ ହେବ ନିଟ୍ ପିଜି ପରୀକ୍ଷା । ନୂଆ ତାରିଖରେ ପରୀକ୍ଷାକୁ ସୁପ୍ରିମକୋର୍ଟଙ୍କ ସହମତି । ତାରିଖ ଘୁଚାଇବା ଆବେଦନକୁ କୋର୍ଟଙ୍କ ମଞୁରୀ । ଏହାକୁ ନେଇ ସୁପ୍ରିମକୋର୍ଟ ଶୁକ୍ରବାର ଦିନ ନ୍ୟାସନାଲ ବୋର୍ଡ ଅଫ୍ ଏକଜାମିନେସନ୍ସ ଇନ୍ ମେଡିକାଲ୍ ସାଇନ୍ସକୁ ନିର୍ଦ୍ଦେଶ ଦେଇଛନ୍ତି । ଏହି ପରୀକ୍ଷା ପୂର୍ବରୁ ଚଳିତ ବର୍ଷ ଜୁନ୍ ୧୫ରେ ପରୀକ୍ଷା ପାଇଁ ଦିନ ଧାର୍ଯ୍ୟ ହୋଇଥିଲା । ନିଟ୍ ପିଜି ପରୀକ୍ଷାକୁ ସୁପ୍ରିମକୋର୍ଟ (ଏନ୍ବିଇଏମ୍ଏସ୍)କୁ ଗୋଟିଏ ସିଫ୍ଟରେ ପରୀକ୍ଷା କରିବାକୁ ନିଦେ୍ର୍ଦଶ ଦେବା ପରେ ପରୀକ୍ଷାଟିକୁ ସ୍ଥଗିତ ରଖାଯାଇଥିଲା । ଅଗଷ୍ଟ ୩ରେ ଗୋଟିଏ ସିଫ୍ଟରେ ପରୀକ୍ଷା ପରିଚାଳନା ପାଇଁ (ଏନବିଇ) କୋର୍ଟର ଦ୍ୱାରସ୍ଥ ହୋଇଥିଲା । ଯାହାକୁ ବର୍ତ୍ତମାନ ମଞୁର କରାଯାଇଛି । ସୁପ୍ରିମକୋର୍ଟ ପୂର୍ବରୁ ସୂଚନା ଦେଇଥିଲେ କି ସମଗ୍ର ଦେଶରେ ଗୋଟିଏ ସିଫ୍ଟରେ ପରୀକ୍ଷା କରାଯିବା ଉଚିତ ।