ଗ୍ୟାଙ୍ଗଷ୍ଟର ହାଇଦର ପୁଅ ସେକକୁ ଆଜୀବନ କାରାଦାଣ୍ଡ

କେନ୍ଦ୍ରାପଡା(ବଡ଼ ଖବର ବ୍ୟୁରୋ):  ଦୁର୍ଦ୍ଦାନ୍ତ ଗାଙ୍ଗଷ୍ଟାର ହାଇଦର ପୁଅ ସେକ କାଦିର ଓରଫ ମୁନ୍ନାକୁ ଆଜୀବିନ କାରାଦାଣ୍ଡ ଶୁଣାଯାଇଛି । କେନ୍ଦ୍ରାପଡା ଜିଲ୍ଲା ଦୌରା ଜଜ୍ ତାଙ୍କୁ ଆଜୀବନ କାରାଦଣ୍ଡ ଶୁଣାଇଛନ୍ତି । ସୂଚନା ଅନୁସାରେ ୨୦୧୩ ମସିହାରେ କେନ୍ଦ୍ରାପଡା ଜିଲ୍ଲା ଆଳି ଅଞ୍ଚଳର ସାର ବ୍ୟବସାୟୀ ସାହା ନବାଜ ଖାଁ ହତ୍ୟାମାମଲାରେ ତାଙ୍କୁ ଆଜୀବନ କାରାଦଣ୍ଡ ଶୁଣାଇଛନ୍ତି । ବ୍ୟବସାୟୀ ସାହା ନାବାଜଙ୍କୁ ଦାଦାବଟି ମାଗିବା ବ୍ୟଳେ ସେକ୍ କାଦିର ତାଙ୍କ ଦୋକାନରେ ପସି ଗୁଳି କରି ହତ୍ୟା କରିଥିଲେ । ଘଟଣା ପରେ ଏହି ମାମଲାରେ ୮ ଅଭିଯୁକ୍ତ ବିନା ପ୍ରମାଣାରେ ଖସିଯାଇଛନ୍ତି ।

ଏ ନେଇ ସରକାରୀ ଆଇନଜୀବି ମାନସର ରଂଞ୍ଜନ ବେହେରା ସୂଚନା ଦେଇଛନ୍ତି । ଗ୍ୟାଙ୍ଗଷ୍ଟର ହାଇଦରର ବଡ ପୁଅ ହେଉଛି ସେକ କାଦିର । କାଦିର ନାଁରେ ୩୦ରୁ ଅଧିକ ମାମାଲା ରୁଜୁ ହୋଇଛି । କାଦିର ଅନେକ ସମୟରେ ଦାଦାବଟି, ଧମକ ଚମକ ଦେବା, ଲୁଟ, ବୋମାମାଡ, ହତ୍ୟା ପ୍ରଭୃତି କେସରେ ତାଙ୍କ ନାଁ ରହିଛି ।