ଅବକାରୀ ନୀତି ପାଇଁ ହେବ ମାନସ ମନ୍ଥନ

ଭୁବନେଶ୍ୱର (ବଡ଼ ଖବର ବ୍ୟୁରୋ): ଆଜି ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କର ରହିଛି ଗୁରୁତ୍ତ୍ୱପୂର୍ଣ କାର୍ଯ୍ୟକ୍ରମ । ସନ୍ଧ୍ୟାରେ ଲୋକସେବା ଭବନରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଦୁଇ ଗୁରୁତ୍ତ୍ୱପୂର୍ଣ ବିଭାଗର କରିବେ ସମୀକ୍ଷା । ଅବକାରୀ, ଆଇନ, ପୂର୍ତ୍ତ ଓ ଖଣି ବିଭାଗ ସହ କରିବେ ଆଲୋଚନା । ନୂଆ ଅବକାରୀ ନୀତି ସମ୍ବନ୍ଧରେ ମୁଖ୍ୟମନ୍ତ୍ରୀଙ୍କୁ ଅବଗତ କରିବେ ଅବକାରୀ ମନ୍ତ୍ରୀ ପୃଥିବୀରାଜ ହରିଚନ୍ଦନ ।

ନିକଟରେ ଏକ ପ୍ରତିନିଧି ଦଳ ଦୁଇ ରାଜ୍ୟକୁ ଗସ୍ତ କରି ଅବକାରୀ ବିଭାଗ ସମ୍ବନ୍ଧରେ ରିପୋର୍ଟ ପ୍ରସ୍ତୁତ କରିଛି ଅବକାରୀ ବିଭାଗ। ପ୍ରସ୍ତୁତ ତଥ୍ୟ ମୁଖ୍ୟମନ୍ତ୍ରୀଙ୍କ ଆଗରେ ଉପସ୍ଥାପନା କରିବ ବିଭାଗ । ପରେ ତାହାର ତର୍ଜମା କରି ରାଜ୍ୟରେ ଲାଗୁ ନେଇ ନିଷ୍ପତ୍ତି କରିବେ ସିଏମ । ସୂଚନା ମୁତାବକ ଚଳିତ ମାସରେ ହିଁ ରାଜ୍ୟରେ କାର୍ଯ୍ୟକାରୀ ହେବାକୁ ଯାଉଛି ନୂଆ ଅବକାରୀ ନୀତି । ଅବକାରୀ ବିଭାଗ ପରେ ଖଣି ବିଭାଗର ବିସ୍ତୃତ ରିପୋର୍ଟକୁ ଅନୁଧ୍ୟାନ କରିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ।