![](https://i0.wp.com/badakhabar.in/wp-content/uploads/2020/10/tamannaah-bhatia.jpg?fit=700%2C541&ssl=1)
ମୁମ୍ବାଇ (ବଡ଼ ଖବର ବ୍ୟୁରୋ): କରୋନା ମହାମାରୀ ସାରା ବିଶ୍ୱରେ କାୟା ବିସ୍ତାର କରିବାରେ ଲାଗିଛି । କରୋନା କବଳରୁ ବଲିଉଡ଼ ମଧ୍ୟ ବାଦ ପଡିନାହିଁ । କିଛିଦିନ ପୂର୍ବରୁ ବଚ୍ଚନ ପରିବାର ଏହି ମହାମାରୀର ଶିକାର ହୋଇଥିଲେ । ବଚ୍ଚନ ପରିବାର ସୁସ୍ଥ ହେବା ପରେ ଏବେ ବଲିଉଡ଼ର ଅଭିନେତ୍ରୀ ତମନ୍ନା ଭାଟିଆ କରୋନାରେ ଆକ୍ରାନ୍ତ ହୋଇଛନ୍ତି । ଗତ କିଛିଦିନ ହେବ ସେ ୱେବ୍ ସିରିଜ ପାଇଁ ହାଇଦ୍ରାବାଦରେ ଥିଲେ । ସେଠାରେ ତାଙ୍କର କରୋନା ରିପୋର୍ଟ ପଜିଟିଭ ଆସିଥିଲା । ତାଙ୍କ ପାଖରେ କରୋନା ଲକ୍ଷଣ ଦେଖାଯିବାରୁ ତାଙ୍କୁ ହାଇଦ୍ରାବାଦର ଏକ ଘରୋଇ ହସ୍ପିଟାଲରେ ଭର୍ତ୍ତୀ କରାଯାଇଛି ।
କିଛିଦିନ ପୂର୍ବରୁ ତମନ୍ନା ଏକ ପୋଷ୍ଟ ମାଧ୍ୟମରେ କହିଥିଲେ, ଯେ ତାଙ୍କ ମା-ବାପା କୋଭିଡିରେ ଆକ୍ରାନ୍ତ ହୋଇଥିଲେ । ସେମାନଙ୍କର ରିପୋର୍ଟ ପଜିଟିଭ ଆସିଥିଲା । ପରେ ଓ ପରିବାରର ଅନ୍ୟ ସଦସ୍ୟମାନଙ୍କର ରିପୋର୍ଟ ନେଗେଟିଭ ଆସିଥିଲା । ତମନ୍ନାଙ୍କର ଅନୁଗାମୀ ଓ ପ୍ରଶଂସକମାନେ ତାଙ୍କର ଆଶୁ ଆରୋଗ୍ୟ କାମନା କରିଛନ୍ତି ।