ରାସ୍ତା କଡ଼ରୁ ନବଜାତ ଶିଶୁକନ୍ୟା ଉଦ୍ଧାର

ଚାନ୍ଦବାଲି (ବଡ଼ ଖବର ବ୍ୟୁରୋ): ପୁଣି ଅଲୋଡ଼ା ହେଲା ଶିଶୁ କନ୍ୟା । ରାସ୍ତା କଡ଼ରୁ ନବଜାତ ଉଦ୍ଧାର ହେଲା ଶିଶୁକନ୍ୟା । ଉଦ୍ଧାର ପରେ ଧାମରା ମେଡିକାଲରେ ଭର୍ତ୍ତି ପରେ ଭଦ୍ରକ ମେଡିକାଲ କୁ ସ୍ଥାନାନ୍ତର । ଏଭଳି ଦୃଶ୍ୟ ଦେଖିବାକୁ ମିଳିଛି ଧାମରା ନିକଟସ୍ଥ ପେଟ୍ରୋଲ ପମ୍ପ ନିକଟରେ । ଶିଶୁ କନ୍ୟା କିଏ ଛାଡି ଚାଲି ଯାଇଛି ତାହା ଜଣା ପଡ଼ିନାହିଁ । ମା ଧାମରାଇଙ୍କ ପବିତ୍ର ମକର ସଂକ୍ରାନ୍ତି ପର୍ବ ପାଇଁ ନାହିଁ ନ ଥିବା ଭିଡ଼ ଥିବାବେଳେ ଏହାର ସୁବିଧା ନେଇ କେହି ନିଜ ପାପ ଲୁଚାଇ ବାକୁ ହେଉ କିମ୍ବା ଝିଅ ଜନ୍ମ ହୋଇଥିବା ନେଇ ଛାଡ଼ି ଦେଇଥିବା ସାଧାରଣରେ ଚର୍ଚ୍ଚାରେ ହେଉଛି ।

ଧାମରା ଠାରୁ ମାତ୍ର ପାଞ୍ଚ ଶହ ମିଟର ଦୂର ପେଟ୍ରୋଲ ପମ୍ପ ନିକଟରୁ ନବଜାତ ଶିଶୁ କନ୍ୟାକୁ ଛାଡି ପଳାଇ ଯାଇଥିବା ଜଣାପଡ଼ିଛି । ସୋମବାର ରାତ୍ରି ୧୧ଟାରେ ରାସ୍ତା କଡ଼ରୁ ଏହି ନବଜାତ ଶିଶୁ କନ୍ୟାକୁ ଉଦ୍ଧର କରି ଆମ୍ବୁଲାନ୍ସ ଯୋଗେ ଧାମରା ସ୍ୱାସ୍ଥ୍ୟ କେନ୍ଦ୍ରକୁ ସ୍ଥାନୀୟ ଲୋକେ ଆଣିଥିଲେ । ତେବେ ନବଜାତ ଶିଶୁ ସମ୍ପୂର୍ଣ ସୁସ୍ଥ ଥିବା ବେଳେ ତାଙ୍କୁ ଭଦ୍ରକ ମୁଖ୍ୟ ଚିକିତ୍ସା କେନ୍ଦ୍ରକୁ ସ୍ଥାନାନ୍ତର କରାଯାଇଛି ।