ମିଳୁନି ମଜୁରୀ,ତାତିଲେଣି ଶ୍ରମିକ

ନୂଆପଡ଼ା(ବଡ଼ ଖବର ବ୍ୟୁରୋ) : ନୂଆପଡ଼ାରେ ମୁଣ୍ଡ ଟେକିବାରେ ଲାଗିଛି ଶ୍ରମିକ ଆନ୍ଦୋଳନ । ବିଭିନ୍ନ ସମୟରେ ଦାଦନକୁ ନେଇ ଚର୍ଚ୍ଚାରେ ଥିବା ନୁଆପଡ଼ା ଜିଲ୍ଲାରେ ଏବେ ଶ୍ରମିକ ଅଶାନ୍ତି ଉଗ୍ରରୂପ ଧାରଣ କରିବାରେ ଲାଗିଛି । ଜିଲ୍ଲାରେ ଶ୍ରମ ଆୟୁକ୍ତ ଓ ଜିଲ୍ଲା ଶ୍ରମ ଅଧିକାରୀ ପୋଷ୍ଟ ଦୀର୍ଘ ଦିନ ହେବ ଖାଲି ପଡ଼ିଛି । ଖାଲି ସେତିକି ନୁହେଁ ଜିଲ୍ଲାରେ ମନରେଗା କାମରେ ନିୟୋଜିିତ ଶ୍ରମିକଙ୍କ ପାଉଣା ଠିକ ଭାବରେ ମିଳୁନାହିଁ । ଏନେଇ ଶ୍ରମିକ ମାନେ ଜିଲ୍ଲାପାଳଙ୍କ ଅଫିସ ଘେରିଛନ୍ତି । ହଜାର ହଜାର ଶ୍ରମିକ ଏକାଠି ହୋଇ ମିନିଷ୍ଟାଡିୟମ ଠାରୁ ଏକ ଶୋଭାଯାତ୍ରାରେ ବାହାରି ଜିଲ୍ଲାପାଳଙ୍କ ଅଫିସ ସମ୍ମୁଖରେ ପହଁଚିଥିଲେ । ତୁରନ୍ତ ଶ୍ରମିକ ମାନଙ୍କ ସମସ୍ୟାର ସମାଧନ କରିବା ପାଇଁ ଜିଲ୍ଲାପାଳଙ୍କୁ ଦାବି ଜଣାଇଥିଲେ । ତୁରନ୍ତ ସେମାନଙ୍କ ଦାବି ପୂରଣ ନହେଲେ ଆଗାମୀ ଦିନରେ ଅନ୍ଦୋଳନ ଉଗ୍ର ରୂପ ନେବ ବୋଲି ଚେତାବନୀ ଦେଇଥିଲେ ।