ଯଦି ସାହସ ଅଛି ରାଜସ୍ଥାନ, ଛତିଶଗଡ ଏବଂ ପଶ୍ଚିମବଙ୍ଗ ବିଷୟରେ ଆଲୋଚନା କରନ୍ତୁ: ସ୍ମୃତି ଇରାନୀ

ନୂଆଦିଲ୍ଲୀ  (ବଡ଼ ଖବର ବ୍ୟୁରୋ): ମଣିପୁରରେ ମହିଳାଙ୍କ ସହ ହେଉଥିବା ହିଂସା ଉପରେ ସଂସଦରେ ପ୍ରଧାନମନ୍ତ୍ରୀ ବୟାନ ରଖନ୍ତୁ ବୋଲି ଦାବି କରି ବିରୋଧୀମାନେ ୪ ଦିନ ହେବ ହଟ୍ଟଗୋଳ କରୁଛନ୍ତି । କେନ୍ଦ୍ର ମନ୍ତ୍ରୀ ସ୍ମୃତି ଇରାନୀ ବିରୋଧୀଙ୍କ ହଟ୍ଟଗୋଳକୁ ନେଇ ବିରୋଧୀଙ୍କୁ କଡ଼ା ଟାର୍ଗେଟ୍‌ କରିଥିଲେ। ରାଜ୍ୟ ସଭାରେ ପ୍ରଶ୍ନ କାଳରେ ବିରୋଧୀ ଦଳର ଏମ୍‌ପିମାନେ ମଣିପୁର ପ୍ରସଙ୍ଗରେ ସ୍ଲୋଗାନ ଦେଇଥିଲେ।

କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀ ସ୍ମୃତି ଇରାନୀ ରାଗିଯାଇ ବିରୋଧୀଙ୍କୁ ଚ୍ୟାଲେଞ୍ଜ କରି କହିଛନ୍ତି ଯେ, ଯଦି ଆପଣଙ୍କର ସାହସ ଅଛି ତେବେ ରାଜସ୍ଥାନ, ଛତିଶଗଡ ଏବଂ ପଶ୍ଚିମବଙ୍ଗ ବିଷୟରେ ମଧ୍ୟ ଆଲୋଚନା କରନ୍ତୁ। ବିଜେପି ଏମ୍‌ପି ତଥା ଆଥଲେଟ ପି.ଟି ଉଷା ରାଜ୍ୟ ସଭାରେ ଭାଷଣ ଦେଉଥିବାବେଳେ ବିରୋଧୀ ଦଳର ଏମ୍‌ପିମାନେ ‘ମଣିପୁର-ମଣିପୁର’ର ସ୍ଲୋଗାନ ଦେବା ଆରମ୍ଭ କରିଥିଲେ।