ଓଡ଼ିଶା-ଆନ୍ଧ୍ର ସୀମା ସିଲ

ରାୟଗଡ଼ା (ବଡ଼ ଖବର ବ୍ୟୁରୋ): ଜିଲ୍ଲାର ସୀମାନ୍ତ ଓଡ଼ିଶା- ଆନ୍ଧ୍ରପ୍ରଦେଶ ସୀମାନ୍ତରେ ପହଞ୍ଚିଲା ଜିଲ୍ଲା ପ୍ରଶାସନ। ସୀମାନ୍ତ ରାସ୍ତାକୁ ସିଲ କରିଦିଆଯାଇଛି। ଆନ୍ଧ୍ରପ୍ରଦେଶରୁ ଆସୁଥିବା ପ୍ରତ୍ୟେକ ଯାନବାହନକୁ ଯାଞ୍ଚ କରିବା ସହ ସେଥିରେ ଆସୁଥିବା ପ୍ରତ୍ୟେକ ବ୍ୟକ୍ତିଙ୍କ ପରୀକ୍ଷା କରାଯାଉଛି।

ପୋଲିସର କଡା ପହରା ଭିତରେ ନିଜେ ତହସିଲଦାର ଉପସ୍ଥିତ ରହି ଏହି ଯାଞ୍ଚ ପ୍ରକ୍ରିୟା କରାଯାଉଥିବାବେଳେ ସ୍ବାସ୍ଥ୍ୟ ପରୀକ୍ଷା ପାଇଁ ୨ ଟିମ ସୀମାନ୍ତ କରେଡାରେ ନିୟୋଜିତ ରହିଛନ୍ତି। ଜିଲ୍ଲା ଭିତରକୁ ପ୍ରବେଶ କରୁଥିବା ଲୋକଙ୍କ ଥର୍ମଲ ସ୍କିନିଂ ସହ କିଏ କେଉଁ ସ୍ଥାନରୁ ଆସୁଛନ୍ତି, ସେମାନଙ୍କ ଟ୍ରାଭେଲ ହିଷ୍ଟ୍ରୀ ଏବଂ ସାଥିରେ ଆସୁଥିବା ସଦସ୍ୟଙ୍କ ପୁଙ୍ଖାନୁପୁଙ୍ଖ ତଥ୍ୟ ସଂଗ୍ରହ କରୁଛନ୍ତି ପ୍ରଶାସନ।