ଦିପାଳି ଦାସଙ୍କ ମାରାଥନ ପ୍ରଚାର
ଝାରସୁଗୁଡ଼ା(ବଡ଼ ଖବର ବ୍ୟୁରୋ): ଝାରସୁଗୁଡ଼ା ଜିଲ୍ଲା ଅନ୍ତର୍ଗତ ଲଇକେରା ବ୍ଲକଠାରେ ବିଜେଡି ବିଧାୟିକା ପ୍ରାର୍ଥୀ ସୁଶ୍ରୀ ଦୀପାଲି ଦାସ ଆଜି ମାରାଥନ ପ୍ରଚାର ଆରମ୍ଭ କରିଛନ୍ତି । ଲଇକେରା ସ୍ଥିତ ସମଲେଶ୍ବରୀ ମନ୍ଦିର ଦର୍ଶନ ପରେ ଏକ ଶୋଭାଯାତ୍ରା କରି ଦଳୀୟ କାର୍ୟ୍ୟାଳୟ ପହଞ୍ଚି କର୍ମୀ ମାନଙ୍କୁ ଚଳିତ ନିର୍ବାଚନରେ ବିଜୟ ହେବା ପାଇଁ ଗୁରୁମନ୍ତ୍ର ପ୍ରଦାନ କରିଥିଲେ । ଏହାପରେ କୁଲେମୁରା ଗ୍ରାମପଞ୍ଚାୟତ ମୁଦ୍ରାଯୋର ଗ୍ରାମ ମୁଣ୍ଡାପଡା ଠାରେ ଏକ ବୈଠକର ଆୟୋଜନ କରିଥିଲେ । ଏହି ବୈଠକ ପରେ ବାଇକ ରାଲିକରି ଏକ ବିରାଟ ସଭାରେ ଯୋଗଦେଇଥିଲେ । ଚଳିତ ନିର୍ବାଚନରେ ନିଜ ଆଶିର୍ବାଦ ପ୍ରଦାନ କରନ୍ତୁ ବୋଲି ଦୀପାଲି ଦାସ ଅନୁରୋଧ କହିଛନ୍ତି ।