ଘରେ କଳାକନା ବୁଲାଇଲେ ଚୋର

ଭୁବନ(ବଡ଼ ଖବର ବ୍ୟୁରୋ): ଦିନକୁ ଦିନ ଆତଙ୍କ ସୃଷ୍ଟି କଲେଣି ଚୋର। କେତେବେଳେ ରାସ୍ତାରେ ଗାଡି ଅଟକାଇ ଚୋରୀ କରୁଛନ୍ତି ତ କେତେବେଳେ ଲୋକଙ୍କ ଘରେ ପଶି କଳାକନା ବୁଲାଇଦେଉଛନ୍ତି । ରବିବାର ରାତିରେ ଭୁବନ ଥାନା ଅନ୍ତର୍ଗତ ଲତାବିଲର ଦୁଇଟି ଘରେ ପଶି ଟଙ୍କା ଓ ସୁନା ଲୁଟି ନେଇଛନ୍ତି ଲୁଟେରା ।

ଜୋତା ଦୋକାନୀ ଭୋଳେଶ୍ବର ସାହୁଙ୍କ ଘରୁ ଦୁଇହଳ ନୂଆ ଜୋତା ଓ ପାଖାପାଖି ଏକ ଲକ୍ଷ ଟଙ୍କା ସହ ପାଞ୍ଚ ଭରିରୁ ଊର୍ଦ୍ଧ୍ବ ସୁନା ଆଲମାରୀ ଖୋଲି ଲୁଟି ନେଇଛନ୍ତି। ସେହିପରି ଚୁଗଲି ବାହାଲିଆଙ୍କ ଘରୁ ୪୦ ହଜାର ଟଙ୍କା ସହ ଦୁଇ ଭରିରୁ ଊର୍ଦ୍ଧ୍ବ ସୁନା ମଧ୍ୟ ଲୁଟି ନେଇଛନ୍ତି । ଚୁଗୁଲିଙ୍କ ଘରେ ଚୋର ନିଜ ଜୋତା ଛାଡି ପଳାଇଥିବା ବେଳେ ନିକଟସ୍ଥ ବିଲରେ କିଛି ଚୋରୀ ଜିନିଷପତ୍ର ପକାଇ ପଳାଇ ଯାଇଛନ୍ତି। ଭୁବନ ପୋଲିସ ଜଣକୁ ଅଟକ ରଖି ଏହାର ତଦନ୍ତ ଚଳାଇଛି।