କଟକ, (ବଡ଼ ଖବର ବ୍ୟୁରୋ) : ରାଜ୍ୟରେ ମାଓ ମୁକାବିଲାକୁ ନେଇ ଚିନ୍ତାରେ ସରକାର । ସୀମାରେ ମାଓ ମୁକାବିଲା ଏବେ ନିୟନ୍ତ୍ରଣରେ ଅଛି ବୋଲି କହୁଛି ଓଡ଼ିଶା ପୋଲିସ । କିନ୍ତୁ ସୀମାନ୍ତ ଅଞ୍ଚଳରେ ମାଓବାଦୀମାନଙ୍କର କାର୍ଯ୍ୟକଳାପ କମି ନାହିଁ । ମାଓବାଦୀମାନେ ନିଜର ନେଟୱାର୍କଂକୁ ଦିନ କୁ ଦିନ ବଢିଇବାରେ ଲାଗିଛନ୍ତି । କିପରି ଭାବରେ ସୀମାନ୍ତରେ ମାଓ ମୁକାବିଲା କରାଯିବ, ମାଓବାଦୀମାନଙ୍କୁ ସମାଜର ମୁଖ୍ୟ ସ୍ରୋତକୁ ଫେରାଇ ଅଣାଯାଇପାରିବ ସେ ନେଇ ଆଜି ଓଡ଼ିଶା ଓ ଆନ୍ଧ୍ରପ୍ରଦେଶ ମଧ୍ୟରେ ଡିଜିପି ସ୍ତରୀୟ ଆଲୋଚନା ହୋଇଛି । ଆଜି ଭିଡିଓ କନଫରେନ୍ସ ମାଧ୍ୟମରେ ଓଡ଼ିଶା ଡିଜିପି ଅଭୟ ଓ ଆନ୍ଧ୍ର ଡିଜିପି ଦାମୋଦର ଗୌତମ ସ୍ୱାଙ୍ଗଙ୍କ ମଧ୍ୟରେ ଗୁରୁତ୍ୱପୂର୍ଣ୍ଣ ଆଲୋଚନା ହୋଇଛି ।
A video meeting was held today between DGP Odisha n DGP AP to discuss counter LWE stategy and future cooperation .ADG BSF ,IGs of CRPF ,JS MHA ,SsP of bordering districts and other senior officers of Odisha Police ,AP Police , CRPF , BSF, MHA attended.
— DGP, Odisha (@DGPOdisha) October 15, 2020
କିପରି ଉଭୟ ରାଜ୍ୟର ସୀମାରେ ଶାନ୍ତି ବଜାୟ ରହିବ, କମ୍ବିଂ ଅପରେସନକୁ କିପରି ଭାବରେ ଜୋରସୋରରେ କରାଯାଇ ମାଓ କ୍ୟାମ୍ପକୁ ଧ୍ୱଂସ କରାଯିବ ସେ ଦିଗରେ ଆଲୋଚନା କରାଯାଇଥିଲା । ଉଭୟ ରାଜ୍ୟର ସୀମାନ୍ତରେ ଥିବା ଅଞ୍ଚଳରେ ଥିବା ସାଧାରଣ ଲୋକ ନ୍ୟାୟ ପାଇପାରିବେ ଓ ସମସ୍ତ ମୌଳିକ ସୁବିଧା ପାଇ ପାରିବେ ସେ ନେଇ ବୈଠକରେ ଆଲୋଚନା ହୋଇଥିଲା । ଏହି ବୈଠକରେ ସିଆରପିଏଫ, ବିଏସଏଫ, ଓଡ଼ିଶା ପୋଲିସ, ଆନ୍ଧ୍ର ପୋଲିସର ବହୁ ବରିଷ୍ଠ ଅଧିକାରୀ ମଧ୍ୟ ଉପସ୍ଥିତ ରହିଥିଲେ ।
