ନୂଆବର୍ଷରେ ସରକାରୀ କର୍ମଚାରୀଙ୍କ ୯ଦିନ ଛୁଟି ବେକାର

ଭୁବନେଶ୍ୱର (ବଡ଼ ଖବର ବ୍ୟୁରୋ): ମଙ୍ଗଳବାର ରାଜସ୍ୱ ଓ ବିପର୍ୟ୍ୟୟ ପ୍ରଶମନ ବିଭାଗ ପକ୍ଷରୁ ୨୦୨୧ମସିହାର ଛୁଟି ତାଲିକା ଘୋଷଣା କରାଯାଇଛି । ସରକାରୀ କର୍ମଚାରୀମାନେ ୨୦୨୧ ମସିହାରେ ୧୦୬ଦିନ ସରକାରୀ ଛୁଟିର ସୁଯୋଗ ପାଇବେ । ମୋଟରେ ୨୯ଦିନ ସରକାରୀ ଛୁଟି, ୫୨ଟି ରବିବାର, ୨୪ଟି ଦ୍ୱିତୀୟ ଓ ଚତୁର୍ଥ ଶନିବାର ଛୁଟି ସମେତ ଗୋଟିଏ ଦିନ ଇଛାଧୀନ ଛୁଟି ସାମିଲ ଅଛି । ୨୦୨୧ରେ ସରକାରୀ କର୍ମଚାରୀଙ୍କ ୯ଦିନର ଛୁଟି ବେକାର ଯାଉଛି । ଏହି ଛୁଟି ଦିନ ଗୁଡିକ ରବିବାର ଓ ଶନିବାରରେ ପଡୁଛି । ବର୍ଷକରେ ମୋଟ ୨୯ ଦିନ ସରକାରୀ ଛୁଟି, ୮ଟି ଇଚ୍ଛାଧୀନ ଛୁଟି ଘୋଷଣା କରିଛି ବିଭାଗ।