ପାଲା ଗାୟକ ସମ୍ମିଳନୀରେ ବିଜେପି ନେତା
ପିପିଲି(ବଡ଼ ଖବର ବ୍ୟୁରୋ): ପୁରୀଜିଲ୍ଲା ପିପିଲି ବ୍ଲକ ରଥପୁରୁଷୋତ୍ତମପୁର ଅନ୍ତର୍ଗତ ଛଣଘର ଠାରେ ଛଣେଶ୍ୱର ମହାଦେବଙ୍କ ପୀଠରେ ଜିଲ୍ଲା ମଣ୍ଡଳ ସ୍ତରୀୟ ତୃତୀୟ ବାର୍ଷିକ ସମ୍ମିଳନୀ ମହାସମାରୋହରେ ଅନୁଷ୍ଠିତ ହୋଇଯାଇଛି । ଏହି କାର୍ୟ୍ୟକ୍ରମରେ ମୁଖ୍ୟ ଅତିଥି ଭାବେ ପୁରୀଜିଲ୍ଲା ବିଜେପି ସଭାପତି ଆଶ୍ରିତ ପଟ୍ଟନାୟକ ଯୋଗ ଦେଇଥିଲେ । ସେ ଓଡିଶାର ପୁରାତନ କଳା ସଂସ୍କୃତି ଓ କଳାକାରଙ୍କ ଭବିଷ୍ୟତ ଉପରେ ବକ୍ତବ୍ୟ ରଖିଥିଲେ । ପାଲା ଗାୟକ ମାନଙ୍କ ବିଭିନ୍ନ ସମସ୍ୟା ସମ୍ପର୍କରେ ବୁଝିଥିଲେ ।
କିପରି ଆଗାମୀ ଦିନରେ ଏହି ସମସ୍ୟାର ସମାଧାନ ହେବ ସେ ନେଇ ବିଜେପି ସରକାରଙ୍କ ପାଖରେ ଉପସ୍ଥାପନ କରିବ ବୋଲି କହିଥିଲେ । କରୋନା ଯୋଗୁଁ ହଜାର ହଜାର କଳାକାରଙ୍କ ଜୀବନ ଜୀବିକା ବହୁଳ ଭାବେ ପ୍ରଭାବିତ ହୋଇଥିବାବେଳେ ଏ ଦିଗରେ କଟକଣା କୋହଳ କରାଯାଉ ବୋଲି କଳାକାରଙ୍କ ସହ ସହମତି ପ୍ରକାଶ କରିଥିଲେ । ଏହି କାର୍ୟ୍ୟକ୍ରମରେ ପିପିଲି ସାମ୍ବାଦିକ ସଂଘ ସମ୍ପାଦକ ବରିଷ୍ଠ ସାମ୍ବାଦିକ ରାଜକିଶୋର ସ୍ୱାଇଁ ଯୋଗ ଦେଇଥିଲେ । କଳାକାରଙ୍କ ସମସ୍ୟାର ସମାଧାନ ପାଇଁ ସରକାର ପଦକ୍ଷେପ ନେବା ଜରୁରୀ ବୋଲି କହିଥିଲେ । ଜିଲ୍ଲାରୁ ଆସିଥିବା ସମସ୍ତ ଗାୟକ ନିଜ ନିଜର ବକ୍ତବ୍ୟ ରଖିଥିଲେ ।