ସ୍କୁଲ ବନ୍ଦ ଦାବିରେ ଧାରଣାରେ ଅଭିଭାବକ ଓ ଛାତ୍ରଛାତ୍ରୀ

କୋରେଇ(ବଡ଼ ଖବର ବ୍ୟୁରୋ):କୋରେଇ ବ୍ଲକ ରଙ୍ଗାରଙ୍ଗ ସରାକରୀ ପ୍ରାଥମିକ ଉଚ୍ଚ ବିଦ୍ୟାଳୟରେ ଶ୍ରେଣୀ ଗୃହ ଅଭାବରୁ ସ୍କୁଲ ବନ୍ଦ କରି ବିଦ୍ୟାଳୟ ସମ୍ମୁଖରେ ଧାରଣାରେ ବସିଲେ ଅଭିଭାବକ ଼ଓ ଛାତ୍ର ଛାତ୍ରୀ । ସୂଚନାରୁ ପ୍ରକାଶ ଯେ କୋରେଇ ବ୍ଲକ ରଙ୍ଗାରଙ୍ଗ ସରାକରୀ ଉଚ୍ଚ ପ୍ରାଥମିକ ସ୍କୁଲରେ ଶ୍ରେଣୀଗୃହ ଏବଂ ଶିକ୍ଷକଙ୍କ ଅଭାବ ଥିବା ବେଳେ ବିପଦ ସଙ୍କୁଳ ଘରେ ପାଠ ପଢୁଛନ୍ତି ଛାତ୍ରଛାତ୍ରୀ । ମଝିରେ ମଝିରେ ସ୍କୁଲ ଛାତରୁ ସିମେଣ୍ଟ ଖଣ୍ଡ ଖସୁଥିବା ସହ କାନ୍ଥ ଫାଟି ଆଁ କରିଛି । ଏନେଇ ଅଭିଭାବକମାନେ ସ୍ଥାନୀୟ ବିଧାୟକଙ୍କ ଠାରୁ ଆରମ୍ଭ କରି ଉପରିସ୍ଥ ଅଧିକାରୀ ମାନଙ୍କୁ ଅବଗତ କରାଇଥିଲେ ମଧ୍ୟ ଏଥିପ୍ରତି କେହି କର୍ଣ୍ଣପାତ କରିନଥିଲେ । ଯାହାକୁ ନେଇ ଆଜି ଆନ୍ଦୋଳନକୁ ଓହ୍ଲାଇଛନ୍ତି ଅଭିଭାବକ ଓ ଛାତ୍ରଛାତ୍ରୀ ।