ଓଡ଼ିଶା ଫେରିବ ପୋସ୍କୋ !

ଭୁବନେଶ୍ବର (ବଡ଼ ଖବର ବ୍ୟୁରୋ): ପୁଣି ଓଡ଼ିଶା ଫେରିବ ପୋସ୍କୋ । ଓଡ଼ିଶା- ଦକ୍ଷିଣ କୋରିଆ ମଧ୍ୟରେ ଆୟୋଜିତ ବାଣିଜ୍ୟ କାରବାର ଭର୍ଚୁଆଲ ବୈଠକରୁ ଏହି ସୂଚନା ମିଳିଛି । ଓଡ଼ିଶାରେ ପୋସ୍କୋ ସମନ୍ୱିତ ଇସ୍ପାତ କାରଖାନା ପ୍ରତିଷ୍ଠା କରିବ ବୋଲି ଦକ୍ଷିଣକୋରିଆ ରାଷ୍ଟ୍ରଦୂତ ସିନ୍ ବୋଙ୍ଗଜିଲ୍ ସୂଚନା ଦେଇଛନ୍ତି ।

ଏନେଇ ରାଜ୍ୟ ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ପ୍ରେସ୍ ବିଜ୍ଞପ୍ତି ଜାରି କରାଯାଇଛି । ଓଡ଼ିଶାରେ ପ୍ରାୟ ୧୨ ବିଲିୟନ ୟୁଏସ୍ ଡଲାରରେ ପୋସ୍କୋ ପ୍ଲାଣ୍ଟ କରିବାକୁ ଯୋଜନା ପ୍ରସ୍ତୁତ କରିଛି । ଗତବର୍ଷ କରୋନା କାଳରେ ଭାରତରେ ଦକ୍ଷିଣ କୋରିଆ କମ୍ପାନି ପୋସ୍କୋ ୬୬ ଟି କାରବାର ଆରମ୍ଭ କରିଛି । ଏହି ସମୟ ଭିତରେ ଏହି ବିଦେଶୀ କମ୍ପାନି ୧୭ ମିଲିୟନ ଡଲାର ପୁଞ୍ଜିନିବେଶ କରିଛି । ଅକ୍ଷଞଶକ୍ତି, ଜଳ ବିଶୋଧନ, ଓ ସ୍ମାର୍ଟସିଟି ପ୍ରକଳ୍ପରେ ପୋସ୍କୋ କାମ କରିବାକୁ ଆଗ୍ରହୀ । ଆଗାମୀ ଦିନରେ ଓଡ଼ିଶାରେ ୨ଲକ୍ଷ କୋଟି ଟଙ୍କା ପୋସ୍କୋ ବିନିଯୋଗ କରିବାର ସମ୍ଭାବନା ରହିଛି।