ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଏୟାର ଇଣ୍ଡିଆର ବିମାନରେ ଦେଖିବାକୁ ମିଳିଛି ବିଚିତ୍ର ଘଟଣା । ମଝି ଆକାଶରେ ଯାତ୍ରୀଙ୍କ ହଙ୍ଗାମା କାରଣରୁ ଲଣ୍ଡନ ଯାଉଥିବା ବିମାନଟି ଫେରିଆସିଛି । ବିମାନ କର୍ମଚାରୀ ଓ ଯାତ୍ରୀଙ୍କ ମଧ୍ୟରେ ଝଗଡା ହେବାରୁ ଏୟାର ଇଣ୍ଡିଆର ଏକ ବିମାନଟି ଲଣ୍ଡନ ଯିବା ବଦଳରେ ବିମାନଟି ପୁଣି ଦିଲ୍ଲୀ ଫେରି ଆସିଥିଲା । ସୂଚନାଅନୁଯାୟୀ ଦିଲ୍ଲୀରୁ ଲଣ୍ଡନ ଯାଉଥିବା ଏୟାର ଇଣ୍ଡିଆର ବିମାନ ଉଡାଣ ଭରିସାରିବା ପରେ ପୁଣି ଦିଲ୍ଲୀ ପ୍ରତ୍ୟାବର୍ତ୍ତନ କରିଛି ।
ଏନେଇ ଏୟାର ଇଣ୍ଡିଆ ତରଫରୁ କୁହାଯାଇଛି କି, ମଝି ଆକାଶରେ ଜଣେ ଯାତ୍ରୀ ବିମାନ କର୍ମଚାରୀଙ୍କ ସହ ଝଗଡା କରିବାରୁ ବାଧ୍ୟ ହୋଇ ଏଭଳି ପଦକ୍ଷେପ ନିଆଯାଇଛି । ଏନେଇ ଦିଲ୍ଲୀ ବିମାନବନ୍ଦର ପୋଲିସ ନିକଟରେ ଅଭିଯୋଗ ମଧ୍ୟ ହୋଇଛି । ଝଗଡା କରିଥିବା ଯାତ୍ରୀ ଜଣଙ୍କୁ ବିମାନବନ୍ଦର ପୋଲିସ ଅଟକ ରଖି ପଚରା ଉଚରା କରୁଛି ।
