ଭୁବନେଶ୍ୱର (ବଡ଼ ଖବର ବ୍ୟୁରୋ): ଯାତ୍ରୀଙ୍କ ଅସୁବିଧାକୁ ନଜରରେ ରଖି ଗଡିବ ମେମୁ ଟ୍ରେନ । ଭୁବନେଶ୍ୱର-କେନ୍ଦୁଝର ଓ ପୁରୀ-ଅନୁଗୁଳକୁ ଚଳାଚଳ କରିବ ଏହି ଟ୍ରେନ । ଏଥିସହ ପୁରୀ-ହଟିଆ, ପୁରୀ-ସମ୍ବଲପୁର ଓ ପୁରୀ-ପାରାଦୀପ ମଧ୍ୟରେ ସ୍ୱତନ୍ତ୍ର ଟ୍ରେନ ଚଳାଚଳ କରିବା ନେଇ ସ୍ଥିର କରାଯାଇଛି । ପାସେଞ୍ଜର/ମେମୁ ଟ୍ରେନ ଚଳାଚଳ ହେଉ ନଥିବାରୁ ଯାତ୍ରୀ ହଇରାଣ ହେଉଥିବାରୁ ପୂର୍ବତଟ ରେଳପଥ ପକ୍ଷରୁ ଏହି ନିଷ୍ପତି ନିଆଯାଇଛି ।
ଭୁବନେଶ୍ୱର-କେନ୍ଦୁଝରଗଡ ମେମୁ ମାର୍ଚ୍ଚ ୩୦ରୁ ଅପରାହ୍ନ ୪ଟା ୩୫ରେ ଭୁବନେଶ୍ୱରରୁ ଛାଡି ରାତି ୯ଟା ୩୫ରେ କେନ୍ଦୁଝରଗଡରେ ପହଞ୍ଚିବ ଏବଂ କେନ୍ଦୁଝରଗଡ-ଭୁବନରଶ୍ୱର ମେମୁ ସକାଳ ୬ଟା ୩୦ରେ କେନ୍ଦୁଝରଗଡରୁ ବାହାରିପୂର୍ବାହ୍ନ ୧୧ଟା ୫ରେ ଭୁବନେଶ୍ୱରରେ ପହଞ୍ଚିବ । ସେହିପରି ପୁରୀ-ଅନୁଗୁଳ ମେମୁ ଏପ୍ରିଲ ୫ରୁ ଅପରାହ୍ନ୪ଟା ୪୫ରେ ପୁରୀରୁ ବାହାରି ରାତି ୯ଟା ୩୦ରେ ଅନୁଗୁଳରେ ପହଞ୍ଚିବ ।
ଅନୁଗୁଳ-ପୁରୀ ମେମୁ ସକାଳ ୫ଟା ୪୫ରେ ଅନୁଗୁଳରୁ ବାହରି ପୂର୍ବାହ୍ନ ୧୦.୨୦ରେ ପୁରୀରେ ପହଞ୍ଚିବ । ଅନ୍ୟପଟେ ପୁରୀ-ହଟିଆ-ପୁରୀ, ସମ୍ବଲପୁର-ପୁରୀ-ସମ୍ବଲପୁର, ପୁରୀ-ପାରାଦୀପ-ପୁରୀ ମଧ୍ୟରେ ମଧ୍ୟ ଗଡିବ ସ୍ୱତନ୍ତ୍ର ଟ୍ରେନ ।
