ପ୍ରଜ୍ଞାନନ୍ଦ ଏବଂ କାର୍ଲସେନଙ୍କ ମଧ୍ୟରେ ପ୍ରଥମ ମ୍ୟାଚ ଡ୍ର, ଆଜି ଦ୍ୱିତୀୟ ଫାଇନାଲ

ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ବିଶ୍ୱକପ ଚେସ ଟୁର୍ଣ୍ଣାମେଣ୍ଟ ଫାଇନାଲ ମ୍ୟାଚରେ ଭାରତୀୟ ଚେସ ଗ୍ରାଣ୍ଡମାଷ୍ଟର ଆର.ପ୍ରଗନ୍ନାନନ୍ଧ ବିଶ୍ୱର ନମ୍ବରୱାନ ମ୍ୟାଗ୍ନୁସ କାର୍ଲସେନଙ୍କୁ ଭେଟିଛନ୍ତି । ମଙ୍ଗଳବାର ଉଭୟଙ୍କ ମଧ୍ୟରେ ଦୃଢ ମୁକାବିଲା ହୋଇଥିଲା । କିନ୍ତୁ ଉଭୟଙ୍କ ମଧ୍ୟରେ ମ୍ୟାଚଟି ଡ୍ର ହୋଇଥିଲା ।

ଆଜି ଏହାର ଫାଇନାଲ ମ୍ୟାଚ ଖେଳାଯିବ । କାର୍ଲସେନ ୫ଥର ଚେସ୍‌ରେ ୱାଲର୍ଡ ଚାମ୍ପିୟନ ହୋଇଥିଲେ । ସେ ୨୦୦୪ ମସିହାରେ ଗ୍ରାଣ୍ଡମାଷ୍ଟର ଉପାଧି ପାଇଥିଲେ କାର୍ଲସେନ । ଯେତେବେଳେ ପ୍ରଗନ୍ନାନନ୍ଧ ଜନ୍ମ ହୋଇନଥିଲେ । ସେଭଳି ପ୍ରଗନ୍ନାନନ୍ଧ ମଧ୍ୟ ଜଣେ ଦକ୍ଷ ଚେସ ଖେଳାଳୀ ।

ମାତ୍ର ୧୦ ବର୍ଷ ବୟସରେ ସେ ଆନ୍ତର୍ଜାତୀୟ ମାଷ୍ଟର ହୋଇଥିଲେ ଏବଂ ୧୨ ବର୍ଷ ବୟସରେ ଗ୍ରାଣ୍ଡମାଷ୍ଟର ଉପାଧି ପାଇଥିଲେ । ବୁଧବାର ହେବାକୁ ଥିବା ଫାଇନାଲ ମ୍ୟାଚରେ ସେ କାର୍ଲସେନଙ୍କୁ ପରାସ୍ତ କରିବେ ବୋଲି ଭାରତୀୟ ଚେସ୍ ପ୍ରଶଂସକମାନେ ଆଶା ରଖିଛନ୍ତି ।