ପିଚୁ ରାସ୍ତାରେ କାତ ମାରିଲେ ସୁର
ଭୁବନେଶ୍ୱର(ବଡ଼ ଖବର ବ୍ୟୁରୋ): ଭୁବନେଶ୍ୱର ମାଷ୍ଟର କ୍ୟାଣ୍ଟିନରେ ଅଭିନବ ପ୍ରତିବାଦ ଦେଖିବାକୁ ମିଳିଛି । ପ୍ରତିବାଦ କରିଛନ୍ତି କଂଗ୍ରେସର ବରିଷ୍ଠ ନେତା ତଥା ଜଟଣୀ ବିଧାୟକ ସୁରେଶ ରାଉତରାୟ । ଡଙ୍ଗା ରଖି ରାଜଧାନୀର ରାଜରାସ୍ତାରେ ପ୍ରତିବାଦ କରିଛନ୍ତି ବିଧାୟକ । ଅସରାଏ ବର୍ଷାରେ ରାଜଧାନୀ ଭୁବନେଶ୍ୱର ଜଳବନ୍ଦୀ ହେଉଛି । ତେଣୁ ପ୍ରଶାସନର ଦୃଷ୍ଟି ଆକର୍ଷଣ ପାଇଁ ସେ ରାସ୍ତାରେ ମୋଟର ଡଙ୍ଗା ଚଳାଇ ପ୍ରତିବାଦ କରିଛନ୍ତି ।
ବିଳମ୍ବିତ ରାତିରୁ ରାଜ୍ୟ ତମାମ ବର୍ଷା ଜାରି ରହିଥିବା ବେଳେ ରାଜଧାନୀରେ ମଧ୍ୟ ବର୍ଷା ହୋଇଥିଲା । ଏହାର ପ୍ରଭାବରେ ଭୁବନେଶ୍ୱରର ବିଭିନ୍ନ ସ୍ଥାନରେ ଜଳବନ୍ଦୀ ଅବସ୍ଥା ସୃଷ୍ଟି ହେଉଛି । ବିଏମସି ଏନେଇ କୌଣସି ପଦକ୍ଷେପ ନେଉନଥିବାରୁ ବାରମ୍ବାର ଏଭଳି ଅସୁବିଧା ସୃଷ୍ଟି ହେଉଛି । ତେଣୁ ଏହାର ପ୍ରତିବାଦ କରି ସୁରେଶ ରାଉତରାୟଙ୍କ ସମେତ ବହୁ କଂଗ୍ରେସ ନେତା ଓ କର୍ମୀ ଏଭଳି ଧାରଣା ଦେଇଥିଲେ ।