ବାଲିଗୁଡା(ବଡ଼ ଖବର ବ୍ୟୁରୋ): ଫିରିଙ୍ଗିଆ ଥାନା ପୋଡି ଓ ପୋଲିସ ଉପରେ ଆକ୍ରମଣ ଘଟଣା ପରେ ଗିରଫଦାରୀ ଭୟରେ ଲୋକେ ଭୟଭୀତ ଅବସ୍ଥାରେ ଥିବାବେଳେ ଗାଁ ପୁରୁଷ ଶୂନ୍ୟ ହୋଇପଡିଛି । ଆଜି ବି ଫିରିଙ୍ଗିଆରେ ଦୋକାନ ବଜାର ବନ୍ଦ ରହିଥିବା ଜଣାପଡିଛି । ଖାଁ ଖାଁ ଲାଗୁଛି ଗାଁ । କେବଳ ହାତଗଣତି କିଛି ବୁଢା ବୃଢିଙ୍କୁ ଛାଡିଦେଲେ ଗିରଫ ଭୟରେ ଗାଁ ଛାଡି ଚାଲିଯାଇଛନ୍ତି ଅନ୍ୟମାନେ ଓ ବର୍ତ୍ତମାନ ସୁଧା ଏହି ଘଟଣାରେ ପୋଲିସ ୧୯ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ତେବେ ପୋଲିସ ଅଭିଯୁକ୍ତ ମାନଙ୍କୁ ଛାଡି ନିରୀହ ଲୋକଙ୍କୁ ମାଡମାରି ଗିରଫ କରିବା ସହ ଅନ୍ୟ ମାନଙ୍କୁ ଖୋଜୁଥିବା ଅଭିଯୋଗ କରିଛନ୍ତି ମାସିରପଡ଼ା ଗ୍ରାମବସୀ। ପୋଲିସ ଘଟଣାରେ ସଂପୃକ୍ତ ଥିବା ପ୍ରକୃତ ଅଭିଯୁକ୍ତ ମାନଙ୍କୁ ଚିହ୍ନଟ କରି ଗିରଫ କରିବାକୁ କହିଛନ୍ତି ଗ୍ରାମବାସୀ ।
