ବିବାଦରେ ବିଜେଡିର ଆଉ ଜଣେ ନେତା

ବଲାଙ୍ଗିର (ବଡ଼ ଖବର ବ୍ୟୁରୋ): ଆଦିବାସୀ ଯୁବକ ଶ୍ରୀକର ମିର୍ଦ୍ଦାଙ୍କ ଅପହରଣ ଘଟଣାକୁ ନେଇ ରାଜନୀତି ଜୋର ଧରିଛି । କଂଗ୍ରେସ ରାସ୍ତାକୁ ଓହ୍ଲାଇଛି । ବଲାଙ୍ଗିର ଜିଲ୍ଲା ଯୁବ ବିଜେଡି ସଭାପତି ରାଜେନ୍ଦ୍ର ହୋତାଙ୍କୁ ଗିରଫ ଦାବି ସହ ତାଙ୍କୁ ସରପଂଚ ପଦବୀରୁ ବହିଷ୍କାର ପାଇଁ ଦାବି କରିଛି କଂଗ୍ରେସ । ସେପଟେ ଏହାର କାଉଣ୍ଟର ଆଟାକ କରିଛି ବିଜେଡି । ଶ୍ରୀକର ମିର୍ଦ୍ଦା ଅପହରଣ ଘଟଣାରେ ରାଜେନ୍ଦ୍ର ହୋତାଙ୍କ କୌଣସି ସଂପୃକ୍ତି ନଥିବା ଦଳ ପକ୍ଷରୁ ସାମ୍ବାଦିକ ସମ୍ମିଳନୀରେ ସଫେଇ ଦିଆଯାଇଛି ।

ଏହାକୁ ନେଇ କଂଗ୍ରେସ ହୀନ ରାଜନୀତି କରୁଥିବା କହିଛି ବିଜେଡି । ଘଟଣାର ଉପଯୁକ୍ତ ତଦନ୍ତ କରି ଦୋଷୀକୁ ଉପଯୁକ୍ତ ଦଣ୍ଡ ମିଳୁ ବୋଲି ବିଜେଡି ପକ୍ଷରୁ ଦାବୀ କରାଯାଇଛି । ତେବେ ଏହି ଘଟଣାକୁ ନେଇ କଂଗ୍ରେସ ରାଜନୀତି କଲେ ଆଗାମୀ ଦିନରେ ଆନ୍ଦୋଳନ ବ୍ୟାପକ କରାଯିବ ବୋଲି ବିଜେଡି ପକ୍ଷରୁ କୁହାଯାଇଛି । ସେପଟେ ଏ ନେଇ ଜବାବ ରଖିଛି ଜିଲ୍ଲା କଂଗ୍ରେସ ।