ପୋଲିସକୁ ଛୁରାମାଡ଼
ୱାଶିଂଟନ (ବଡ଼ ଖବର ): ଯୁକ୍ତରାଷ୍ଟ୍ର ଆମେରିକାର ରାଜଧାନୀ ୱାଶିଂଟନ୍ ଡିସି ପୁଣି ଥରେ ରକ୍ତରଞ୍ଜିତ ହୋଇଉଠିଛି। ଅଚାନକ ଜଣେ ସନ୍ଦିଗ୍ଧ ବ୍ୟକ୍ତି ଏକ କାରରେ ଆସି ୱାଶିଂଟନ ଡିସି ସମ୍ମୁଖରେ ବାରିକେଡ ନିକଟରେ ମୁତୟନ ହୋଇଥିବା ୨ ପୋଲିସକର୍ମୀଙ୍କୁ ଧକ୍କା ଦେଇଥିଲେ। ଏହାପରେ ଡ୍ରାଇଭର ଜଣକ ଗାଡ଼ିରୁ ବାହାରି ୨ ପୋଲିସକର୍ମୀଙ୍କୁ ଛୁରୀ ସାହାଯ୍ୟରେ ଆକ୍ରମଣ କରିବାକୁ ଚେଷ୍ଟା କରିଥିଲେ। ସେମାନଙ୍କ ମଧ୍ୟରୁ ଜଣଙ୍କ ମୃତ୍ୟୁ ହୋଇଥିବାବେଳେ ଆଉ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି। ପୁଲିସର ପାଲଟା ଗୁଳିଚାଳନାରେ ସମ୍ପୃକ୍ତ କାର ଡ୍ରାଇଭରଙ୍କ ମୃତ୍ୟୁ ଘଟିଛି।
ଏହାପରେ ବାହ୍ୟଶତ୍ରୁମାନଙ୍କ ଆକ୍ରମଣ ଆଶଙ୍କା ଥିବାରୁ ୟୁଏସ କ୍ୟାପିଟାଲକୁ ସଂଯୋଗ କରୁଥିବା କିଛି ରାସ୍ତାକୁ ବନ୍ଦ କରି ଦିଆଯାଇଥିଲା । ସନ୍ଦିଗ୍ଧଜଣଙ୍କ କାହିଁକି କ୍ୟାପିଟଲ କମ୍ପ୍ଲେକ୍ସ ଉପରେ ଆକ୍ରମଣ କଲେ ସେ ନେଇ ସ୍ପଷ୍ଟ ହୋଇ ନଥିଲେ ମଧ୍ୟ ଏହା ଆତଙ୍କବାଦୀ କାର୍ଯ୍ୟକଳାପ ନୁହେଁ ବୋଲି ପୋଲିସ ପକ୍ଷରୁ କୁହାଯାଇଛି। ୟୁଏସ କ୍ୟାପିଟଲ ପୋଲିସ ପକ୍ଷରୁ ଘଟଣାର ତଦନ୍ତ ଚାଲିଛି।