ସରକାରଙ୍କ ଦୃଷ୍ଟି ଆଢୁଆଳରେ ଦୁଃସ୍ଥ ପରିବାର

ବରୀ (ବଡ଼ ଖବର ବ୍ୟୁରୋ): ସରକାର ଗରିବ ଅସହାୟ ଲୋକଙ୍କ ପାଇଁ ଖଞ୍ଜିଦେଇଛନ୍ତି ମାଳ ମାଳ ଯୋଜନା । ମାତ୍ର ସେସବୁ ଯୋଗ୍ୟ ହିତାଧିକାରୀଙ୍କ ପାଖରେ ପହଁଚି ପାରୁନି । ସରକାରଙ୍କ ଦୃଷ୍ଟି ଆଢୁଆଳରେ ଏବେବି ବେସାହାରା ହୋଇ ପାଲ ତଳେ ଜୀବନ କାଟୁଛନ୍ତି ଦୁଇ ପରିବାର । ଏଭଳି ଦୃଶ୍ୟ ଦେଖିବାକୁ ମିଳିଛି ଯାଜପୁର ଜିଲ୍ଲା ବରୀ ବୋଦୁଆ ପଞ୍ଚାୟତରେ । ୨୦୨୦ ବନ୍ୟାରେ ଏହି ଦୁଇ ପରିବାରଙ୍କର ଘର ସମ୍ପୁର୍ଣ୍ଣ ଭାସି ଯାଇଥିଲା । ଆର୍ଥିକ ଅବସ୍ଥା ଭଲ ନଥିବାରୁ ମୁଣ୍ଡ ଗୁଞ୍ଜିବା ପାଇଁ ଘର ନଥିବାରୁ ରାସ୍ତା କଡ଼ରେ ପାଲ ଟାଙ୍ଗି ଜୀବନ ବିତାଉଛନ୍ତି । ସରକାରଙ୍କ ମାଳ ମାଳ ଯୋଜନା ଥାଇ ମଧ୍ୟ ବଞ୍ଚିତ ଏହି ପରିବାର । ବାରମ୍ବାର ପ୍ରଶାସନକୁ ଗୁହାରୀ କଲେ ମଧ୍ୟ କିଛି ସୁଫଳ ମିଳୁନାହିଁ । ସରକାରୀ ସହାୟତା ଯୋଗାଇଦେବା ପାଇଁ ଦାବି କରିଛନ୍ତି ଏହି ଦୁଇ ପରିବାର ।