ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ଭାରତୀୟ ବଂଶୋଦ୍ଭବ ନିଶା ଦେଶାଇ ବିଶ୍ୱାଳ ହୋଇପାରନ୍ତି ଡିଏଫସିର ଡେପୁଟି ସିଇଓ । ଆମେରିକାର ଅନ୍ତରାଷ୍ଟ୍ରୀୟ ବାଣିଜ୍ୟ ନିଗମ ବା ୟୁଏସ ଇଣ୍ଟରନ୍ୟାଶନାଲ ଡେଭଲପମେଣ୍ଟ ଫାଇନାନ୍ସ କର୍ପୋରେଶନର ଡେପୁଟି ସିଇଓ ହୋଇପାରନ୍ତି ନିଶା। ଆମେରିକା ରାଷ୍ଟ୍ରପତି ଜୋ ବାଇଡେନ ଭାରତୀୟ ବଂଶୋଦ୍ଭବ ନିଶା ଦେଶାଇ ବିଶ୍ୱାଳଙ୍କୁ ୟୁଏସ ଇଣ୍ଟରନ୍ୟାଶନାଲ ଡେଭଲପମେଣ୍ଟ ଫାଇନାନ୍ସ କର୍ପୋରେଶନରେ ଏକ ଶୀର୍ଷ ପ୍ରଶାସନିକ ପଦରେ ନାମିତ କରିବାକୁ ଚାହୁଁଛନ୍ତି ।
ନିଶା ଦେଶାଇ ଏବେ ଆମେରିକାର ଚାମ୍ବର ଅଫ କମର୍ସରେ ଆନ୍ତର୍ଜାତୀୟ ରଣନୀତି ଏବଂ ଗ୍ଲୋବାଲ ଇନିସିଏଟିଭ୍ସର ବରିଷ୍ଠ ଉପସଭାପତି ରହିଛନ୍ତି । ସେ ଆମେରିକା ଭାରତ ବ୍ୟବସାୟ ପରିଷଦ ଏବଂ ଆମେରିକା ବାଂଲାଦେଶ ବ୍ୟବସାୟ ପରିଷଦର ତଦାରଖ କରୁଛନ୍ତି । ନିଶା ୨୦୧୩ରୁ ୨୦୧୭ ପର୍ଯ୍ୟନ୍ତ ଆମେରିକାର ବୈଦେଶିକ ବିଭାଗରେ ଦକ୍ଷିଣ ଓ ମଧ୍ୟ ଏସିଆ ବ୍ୟାପାର ବିଭାଗର ସରକାରୀ ସଚିବ ଭାବେ କାର୍ଯ୍ୟ କରିଥିଲେ ।
