ରାଜ୍ୟ ସରକାରଙ୍କର ପ୍ରାଇଭେଟ ପ୍ରୀତି
ଭୁବନେଶ୍ଵର( ବଡ଼ ଖବର ବ୍ୟୁରୋ): ରାଜ୍ୟ ସରକାରଙ୍କର ପ୍ରାଇଭେଟ ପ୍ରୀତି । ଘରୋଇ ସଂସ୍ଥା ହାତରେ ଓଟିଡିସିର ୪ ପାନ୍ଥ ନିବାସକୁ ଟେକି ଦବାକୁ ବସିଛନ୍ତି ରାଜ୍ୟ ସରକାର । ଯାହାକୁ ବିରୋଧ କରିଛି ଉତ୍କଳ ପର୍ଯ୍ୟଟନ ନିଗମ କର୍ମଚାରୀ ସଂଘ । ସଂଘ ଅଭିଯୋଗ କରିଛିକି ଲାଭ ଦେଉଥିବା ୪ ପାନ୍ଥନିବାସକୁ ସରକାର ପୂର୍ବରୁ ଘରୋଇ ସଂସ୍ଥା ହାତରେ ଟେକି ଦେଇଥିଲେ । ଏହା ପରେ ଆଉ ୪ଟି ପାନ୍ଥନିବାସକୁ ଘରୋଇକରଣ କରିବାକୁ ରାଜ୍ୟ ସରକାର ଟେଣ୍ଡର ପ୍ରକ୍ରିୟା ଆହ୍ୱାନ କରିଛନ୍ତି । ଏହା ଦ୍ୱାରା ପ୍ରାୟ ୧୦୦୦ କର୍ମଚାରୀ ପ୍ରଭାବିତ ହେବା ଆଶଙ୍କା କରିଛି ସଂଘ ।
ଖାଲି ସେତିକି ନୁହେଁ ପାନ୍ଥନିବାସ ଗୁଡ଼ିକ ଘରୋଇ ସଂସ୍ଥା ହାତକୁ ଗଲେ ଏହାର ଦାମ ମଧ୍ୟ ବଢିବ ଯାହାର ସିଧା ପ୍ରଭାବ ପର୍ଯ୍ୟଟକଙ୍କ ଉପରେ ପଡ଼ିବ ବୋଲି ମଧ୍ୟ ସଂଘ ଅଭିଯୋଗ କରିଛି । ପର୍ଯ୍ୟଟନ ମନ୍ତ୍ରୀ ସଚିବ ଓ ଅଧିକାରୀ ଯଦି ଏଭଳି ଘରୋଇ ପ୍ରତିରୁ ନିବୃତ ନହେବେ ତେବେ ଆଗାମି ଦିନରେ ସଂଘ ରାଜ ରାସ୍ତାକୁ ଓହ୍ଲାଇବ ବୋଲି ଚେତାବନି ଦେଇଛି ।