ସାହାରାପଡା(ବଡ଼ ଖବର ବ୍ୟୁରୋ): କେନ୍ଦୁଝର ଜିଲ୍ଲା ପାଟଣା ବ୍ଲକ ବଡପାଟଣା ପଞ୍ଚାୟତରେ ରାଇସ ମିଲ୍ ଘେରିଲେ ଉତ୍ତ୍ୟେକ୍ତ ଲୋକେ । ବୃଦ୍ଧାଙ୍କ ଜମିକୁ ରାଇସ ମିଲ୍ସ ମାଲିକ ଜବଦଖଲ କରି ରଖିବା ଓ ସ୍ଥାନୀୟ ଯୁବକଙ୍କୁ ନିଯୁକ୍ତି ଦେବା ଦାବିରେ ଲୋକେ ରାଇସ ମିଲ୍ସ ଘେରିଥିଲେ। ଆନ୍ଦୋଳନ କାରୀଙ୍କ ଦାବିକୁ ରାଇସ୍ ମିଲସ୍ କର୍ତ୍ତୃପକ୍ଷ ପୂରଣ ନ କଲେ ଆଗାମୀ ଦିନରେ ମିଲ୍ ଗେଟରେ ତାଲା ପକାଇ ଆନ୍ଦୋଳନ କରିବେ ବୋଲି ଚେତାବନୀ ଦେଇଛନ୍ତି।
ଏମାନଙ୍କ ପ୍ରମୁଖ ଦାବି ହେଉଛି ମିଲସର ବର୍ଜ୍ୟବସ୍ତୁ ଚାଷ ଜମି ଓ କାଜୁ ଫିଲ୍ଡକୁ ମାଡ଼ି ଯିବାରୁ ଚାଷ ଓ କାଜୁ ଗଛ ନଷ୍ଟ ହେଉଛି। ଦୂଷିତ ପାଣି ବିଭିନ୍ନ ସ୍ଥାନରେ ଜମା ହୋଇ ରହୁଥିବାରୁ ସେ ପାଣି ପିଇ ଅନେଇ ଗାଇ ଗୋରୁ ମୃତ୍ୟୁବରଣ କଲେଣି। ଦୁର୍ଗନ୍ଧ ପାଣି ଘର ନିକଟରେ ବୋହୁ ଥିବାରୁ ଲୋକେ ନିଃଶ୍ୱାସ ନେବାରେ କଷ୍ଟ ଅନୁଭବ କରୁଛନ୍ତି। ସେପଟେ ଏହି ସଂପର୍କରେ ରାଇସ ମିଲ୍ସ କତୃପକ୍ଷଙ୍କ ପ୍ରତିକ୍ରିୟା ମିଳିପାରିନି।
