ମହାଆଡମ୍ବରରେ ପାଳନ ହେଲା ମହାଦେବ ଦୁଧିଅବାରୁଣୀଙ୍କ ପୂଜା
ବଡ଼ସାହି (ବଡ଼ ଖବର ବ୍ୟୁରୋ): ମହାଆଡମ୍ବରରେ ଅନୁଷ୍ଠିତ ହେଲା ମହାଦେବ ଦୁଧିଅବାରୁଣୀଙ୍କ ପୂଜା ମହତ୍ସଵ। ଶହ ଶହ ବର୍ଷ ଧରି ଚାଲିଆସୁଛି ମହାଦେବ ଦୁଧିଅବାରୁଣୀଙ୍କ ପୂଜା ମୟୂରଭଞ୍ଜ ଜିଲ୍ଲା ଜିବିନଗର ବ୍ଲକ ବାରୁଣୀ ଠାରେ ଗଙ୍ଗାହାର ନଦୀ ଗର୍ଭରେ ଅନୁଷ୍ଠିତ ହୋଇଛି। କିମ୍ବଦନ୍ତୀ ଅନୁଯାଇ ନଦୀରେ ବର୍ଷ ତମାମ ପ୍ରଭୁ ମହାଦେବ ଜଳମଗ୍ନ ହେତୁ ପ୍ରଭୁଙ୍କ ଦର୍ଶନ କରିବା ସମ୍ଭବପର ହୋଇନଥାଏ ।
ସେଥିପାଇଁ ନଦୀ ଭିତରକୁ ଯାଇ ମହାଦେବଙ୍କୁ ଛୁଇଁ ଆଶୀର୍ବାଦ ନେଇଥାନ୍ତି ଭକ୍ତ। ଆଉ ସବୁଠାରୁ ଆଶ୍ଚର୍ୟ୍ୟର ବିଷୟ ବର୍ଷ ତମାମ ଜଳମଗ୍ନ ଥିବା ବେଳେ କେବଳ ଗୋଟିଏ ଦିନ ପ୍ରଭୁ ମହାଦେବ ଭକ୍ତଙ୍କୁ ଦର୍ଶନ ଦେବା ପାଇଁ ପାଣିର ଧାରାକୁ ଶିଥିଳ କରିଦେଇଥାନ୍ତି। ଏ ଦୃଶ୍ୟ ଦେଖିବା ପାଇଁ ଜିଲ୍ଲାର କୋଣ ଅନୁକୋଣରୁ ହଜାର ହଜାର ଭକ୍ତଙ୍କ ଭିଡ଼ ଲାଗିଥାଏ। ଭିଡକୁ ନିୟନ୍ତ୍ରିତ କରିବା ପାଇଁ ଖୁଣ୍ଟା ପୋଲିସ ତରଫରୁ ବ୍ୟାପକ ବ୍ୟବସ୍ଥା କରାଯାଇଛି।