କୋହଲିଙ୍କ ଅନୁପସ୍ଥିତିରେ ରାହାନେ ଶ୍ରେଷ୍ଠ ଅଧିନାୟକ: ଇଶାନ୍ତ ଶର୍ମା
ଭୁବନେଶ୍ୱର(ବଡ଼ ଖବର ବ୍ୟୁରୋ): ରାହାନେଙ୍କୁ ବୋଲରଙ୍କ ଅଧିନାୟକ କହିଲେ ଇଶାନ୍ତ ଶର୍ମା । ରାହାନେଙ୍କ ଶାନ୍ତି ପ୍ରକୃତି ଓ ଖେଳାଳିଙ୍କ ସହ ସ୍ପଷ୍ଟ ଯୋଗାଯୋଗ ହେତୁ ଅଷ୍ଟ୍ରେଲିଆ ବିପକ୍ଷରେ ଭଲ ଅଧିନାୟକତ୍ୱ କରିବେ । ନିୟମିତ ଅଧିନାୟକ ବିରାଟ କୋହଲି ପୈତୃକ ଛୁଟି ପାଇଁ ଘରକୁ ଫେରୁଥିବାରୁ ଅବଶିଷ୍ଟ ତିନୋଟି ମ୍ୟାଚରେ ଅଧିନାୟକତ୍ୱ କରିବେ ରାହାନେ । ଇଶାନ୍ତ କହିଛନ୍ତି କି ଯେତେବେଳେ ଆମେ ଏକାଠି ଖେଳିଛୁ ଏବଂ ବିରାଟ ପଡ଼ିଆରେ ଯେତେବେଳେ ନଥାନ୍ତି ସେ ମୋତେ ପଚାରନ୍ତି କି କେଉଁ କ୍ଷେତ୍ରରେ ଆବଶ୍ୟକତା ରହିଛି । ରାହାନେ କଦାପି ନିର୍ଦ୍ଦେଶ ଦିଅନ୍ତି ନାହିଁ ।
କୋହଲିଙ୍କ ଅନୁପସ୍ଥିତିରେ ଅଷ୍ଟ୍ରେଲିଆ ଏବଂ ଆଫଗାନସ୍ଥାନ ବିପକ୍ଷରେ ରାହାନେଙ୍କ ଅଧିନାୟକତ୍ୱରେ ଭାରତ ଉଭୟ ଟେଷ୍ଟ ଜିତିଛି । ସେ ବହୁତ ଶାନ୍ତ ଓ ସ୍ଥିର ଅଟନ୍ତି । ଏହା ନୁହଁ ଯେ ସେ ମଜାଳିଆ ନୁହନ୍ତି ସେ ଆମ ସହ ବହୁତ ମଜ୍ଜା କରନ୍ତି ମଧ୍ୟ । ଚାପର ମୁହୂର୍ତରେ ସେ ଶାନ୍ତ ରୁହନ୍ତି । ସେ ବୋଲରଙ୍କ ସହ ଭଲ ଯୋଗାଯୋଗ କରନ୍ତି ।