ବେଆଇନ ପଥର ଖାଦାନରେ ଚଢାଉ
ଟାଙ୍ଗୀ, (ବଡ଼ ଖବର ବ୍ୟୁରୋ): କରୋନା କାଳରେ ଖୋର୍ଦ୍ଧା ଜିଲ୍ଲା ଟାଙ୍ଗୀ ତହସିଲ ଅଞ୍ଚଳରେ ମାତିଛନ୍ତି ପଥର ମାଫିଆ । ଆଜି ପୂର୍ବାହ୍ନରେ ଟାଙ୍ଗୀ ତହସିଲଦାରଙ୍କ ନେତୃତ୍ୱରେ ଛଣଗିରି ଓ ପାତ୍ରପଡ଼ା ଜଙ୍ଗଲରେ ଚଢଉ କରି ଗୋଟିଏ ଟ୍ରକ ସମେତ ଗୋଟିଏ ଜେସିବି ମେସିନ, ଗୋଟିଏ ଟ୍ରାକ୍ଟର ଓ ଚାରୋଟି ପାୱାରଟିଲର ମେସିନ ଜବତ କରାଯାଇଛି ।
ଚଢଉ ବେଳେ ମାଫିଆମାନେ ଖସିଯିବାକୁ ସକ୍ଷମ ହୋଇଛନ୍ତି । ଟାଙ୍ଗୀ ତହସିଲ ଅଞ୍ଚଳରେ ବାରମ୍ବାର ଚଢଉ ସତ୍ତେ୍ୱ ପଥର ମାଫିଆମାନେ ଖସିଯାଇ ବେଧଢକ ଭାବେ ପଥର ଲୁଟରେ ମାତିଛନ୍ତି । ଆଜି ଜବତ ହୋଇଥିବା ଗାଡ଼ିଗୁଡିକୁ ଜଙ୍କିଆ ଥାନା ଓ ଭୁଷଣ୍ଡପୁର ଫାଣ୍ଡିରେ ରଖାଯାଇଛି ।